തിരുവനന്തപുരം: നാടുനീളെ നടന്ന് വോട്ടുപിടിച്ച് എല്ഡിഎഫിനെ അധികാരത്തിലെത്തിച്ച വി.എസ്.അച്യുതാനന്ദനോടും സിപിഐയോടും ഇല്ലാത്ത എന്ത് പ്രതിബദ്ധതയാണ് ലക്ഷ്മിനായരോട് പിണറായിക്കുള്ളതെന്ന് വ്യക്തമാക്കണമെന്ന് വി.വി.രാജേഷ് ആവശ്യപ്പെട്ടു. ലോ അക്കാദമി അനിശ്ചിതകാലത്തേക്ക് അടച്ചിട്ടതിനെകുറിച്ച് പ്രതികരിക്കുകയായിരുന്നു വി.വി.രാജേഷ്.
എസ്എഫ്ഐ കാലഹരണപെട്ടു എന്നതിന്റെ തെളിവാണ് ലോ അക്കാദമി അടച്ചിട്ടത്.എസ്എഫ്ഐയെകൊണ്ട് വിദ്യാര്ത്ഥികളെ ക്ലാസിലെത്തിക്കാനാകില്ലെന്ന് മാനേജ്മെന്റിന് ബോദ്ധ്യമായി. അതുകൊണ്ടാണ് മാനേജ്മെന്റ് കോളേജ് തുറക്കാനുള്ള നീക്കത്തില് നിന്നും പിന്മാറിയതെന്നും വി.വി.രാജേഷ് പറഞ്ഞു.ലോ അക്കാദമിക്കു മുന്നില് വി.വി.രാജേഷ് നടത്തുന്ന സമരം ആറാം ദിവസം പിന്നിട്ടു.
നിരവധി പ്രവര്ത്തകരും വിവധ മോര്ച്ചാ നേതാക്കളുമാണ് പ്രകടനമായി അക്കാദമിയിലേക്ക് എത്തുന്നത്. എന്ഡിഎ നേതാവ് പി.സി.തോമസ്, പന്ന്യന് രവീന്ദ്രന്, എ.കെ.ആന്റണി, ബിന്ദുകൃഷ്ണ, വി.സുരേന്ദ്രന്പിള്ള, പി.പി.തങ്കച്ചന് തുടങ്ങി നിരവധി രാഷ്ട്രീയ സാമൂഹിക പ്രവര്ത്തകരാണ് പന്തലിലെത്തി അഭിവാദ്യം അര്പ്പിച്ചത്. ഉച്ചയോടെ വി.വി.രാജേഷിന്റെ കുടുംബവും സമരപന്തലിലെത്തി. വൈകുന്നേരത്തോടെ നിരാഹാര സമരത്തിന് തുടക്കം കുറിച്ച വി.മുരളീധരന് പന്തലിലെത്തി അഭിവാദ്യം അര്പ്പിച്ചു. വിദ്യാര്ത്ഥികളുടെ സമരത്തിന്റെ വിജയമാണ് കോളേജ് അടച്ചതെന്ന് വി.മുരളീധരന് പറഞ്ഞു.
