തിരുവനന്തപുരം: തിരുവനന്തപുരം പുഷ്പമേളക്ക് ജനത്തിരക്ക് ഏറുന്നു. ദേശീയവും വിദേശിയവുമായ 18000ല് പരം പുഷ്പങ്ങളാണ് കനകക്കുന്ന് കൊട്ടാരവളപ്പില് ഒരുക്കിയിരിക്കുന്നത്. നിറങ്ങളുടെ വൈവിധ്യം വാരിവിതറി നില്ക്കുന്ന വിവിധയിനം റോസാപുഷ്പങ്ങളാണ് കാഴ്ചക്കാരെ സ്വാഗതം ചെയ്യുന്നത്. ഡാലിയയും ആന്തൂറിയവും ഓര്ക്കിഡുമെല്ലാം കടും നിറത്തിലുള്ള തിളക്കമുള്ള കാഴ്ച്ചയാണ് സന്ദര്ശകര്ക്ക് സമ്മാനിക്കുന്നത്. പൂക്കളെക്കൂടാതെ നാട്ടുതൈകളുടെ വിപുലമായ ശേഖരവും മേളയുടെ പ്രത്യേകതയാണ്. മലയാളിക്ക് അന്യമാകുന്ന ഔഷധ സസ്യങ്ങളും ഇവിടെ ഒരുക്കിയിട്ടുണ്ട്.
തലസ്ഥാന നഗരി ഇന്നേ വരെ കണ്ടിട്ടില്ലാത്ത വര്ണ്ണ പുഷ്പങ്ങളുടെ വിസ്മയ കാഴ്ചയൊരുക്കിയിരിക്കുകയാണ് സംഘാടകര്. കര്ഷകര്ക്ക് മികച്ച വിപണി സാധ്യത ലക്ഷ്യമിട്ടുള്ള കാര്ഷിക പ്രദര്ശനവും വിപണനവും മേളയുടെ ഭാഗമാണ്. കുട്ടികള്ക്കായുള്ള പുഷ്പാലംകൃത ഫാഷന് ഷോ മേളയുടെ പ്രധാന ആകര്ഷണമാകുന്നു. പ്രകൃതിയോടിണങ്ങുന്ന ലാന്ഡ്സ്കേപ്പിംഗ് ഷോയില് ഡിനോസര്, പുലി, സിംഹം തുടങ്ങിയ മൃഗങ്ങളുടെ രൂപത്തില് അലങ്കരിച്ചിരിക്കുന്ന പുഷ്പങ്ങള് ജനങ്ങളില് കൗതുകമുണര്ത്തുന്നു. സംസ്ഥാനത്തെ പല ജില്ലകളില് നിന്നും ജനങ്ങള് കുടുംബത്തോടൊപ്പം മേള കാണാന് എത്തുന്നു. സന്ദര്ശകര്ക്കായുള്ള ഫുഡ്കോര്ട്ട്, കുടുംബത്തോടൊപ്പം ഉല്ലസിക്കാനായി അമ്യൂസ്മെന്റ് പാര്ക്ക്, കണ്സ്യൂമര് എക്സ്പോ, ഓട്ടോമൊബൈല് എക്സ്പോ തുടങ്ങിയവയും മേളയിലുണ്ട്. 9 ന് പുഷ്പമേള സമാപിക്കും.
