തിരുവനന്തപുരം: ലോ അക്കാദമി പ്രിന്സിപ്പാള് ലക്ഷ്മി നായര്ക്കെതിരെ ഉയര്ന്നു വന്ന നിരവധിയായ ആരോപണങ്ങളില് സര്ക്കാര് നടപടിയെടുക്കാത്തത് അവര് സിപിഎം നേതാക്കളെ ബ്ലാക്മെയില് ചെയ്യുന്നതിനാലാണെന്ന് ബിജെപി സംസ്ഥാന സെക്രട്ടറി വി.വി. രാജേഷ്.
ജാതിപ്പേര് വിളിച്ച് ആക്ഷേപിച്ചതടക്കം അനവധി ഗുരുതര ആരോപണങ്ങളാണ് ലക്ഷ്മി നായര്ക്കെതിരെ നിലനില്ക്കുന്നത്. സര്ക്കാര് ഭൂമി തട്ടിയെടുത്തതിന്റെ പേരിലും കള്ളപ്പണം വെളുപ്പിച്ചെന്ന പരാതിയിലും പരീക്ഷാക്രമക്കേടിന്റെ പേരിലുമുള്ള അന്വേഷണം നടക്കുകയാണ്. ഇപ്പോഴുള്ള പരാതികളുടെയും തെളിവുകളുടെയും അടിസ്ഥാനത്തില് അവരെ അറസ്റ്റു ചെയ്യാമെന്നിരിക്കെ, അതിനു മുതിരാതെ പോലീസ് ലക്ഷ്മി നായര്ക്ക് രക്ഷപ്പെടാനുള്ള സൗകര്യമൊരുക്കുകയാണ്. സിപിഎം നേതൃത്വത്തിന്റെയും മുഖ്യമന്ത്രിയുടെയും നിര്ദ്ദേശ പ്രകാരമാണിത്. സിപിഎം നേതാക്കളെ ലക്ഷ്മി നായര് ബ്ലാക്മെയില് ചെയ്യുന്നതു മൂലമാണിതെന്ന് രാജേഷ് പറഞ്ഞു.
ഉന്നത സിപിഎം നേതാക്കളുമായി അടുത്ത ബന്ധം സൂക്ഷിക്കുന്ന ലക്ഷ്മി നായരുടെ ഇടപാടുകളിലെല്ലാം കടുത്ത ദുരൂഹതയാണുള്ളത്. ക്വട്ടേഷന് സംഘവും ഇവരുടെ സഹായത്തിനുണ്ടായിരുന്നു. സംസ്ഥാനത്തെ ഉന്നത സിപിഎം നേതാക്കളും ഇവരുമായുള്ള ബന്ധത്തെക്കുറിച്ചും അന്വേഷണം നടത്തേണ്ടതുണ്ട്. വഴിവിട്ട പല ഇടപാടുകളിലും ലക്ഷ്മി നായര്ക്കൊപ്പം ആരൊക്കെയുണ്ടായിരുന്നു എന്നത് ഇനി പുറത്തു വരേണ്ടതുണ്ട്. ഈ ബന്ധങ്ങളും ഇടപാടുകളുമെല്ലാം സിപിഎം നേതാക്കളെ വരുതിക്കു നിറുത്താനായി ലക്ഷ്മിനായര് ഉപയോഗിക്കുകയാണെന്ന് രാജേഷ് പറഞ്ഞു.
തന്നെ അറസ്റ്റു ചെയ്യുകയോ കോളേജിനെതിരെ നടപടി സ്വീകരിക്കുകയോ ഉണ്ടായാല് പലതും വെളിപ്പെടുത്തുമെന്ന ലക്ഷ്മി നായരുടെ ഭീഷണിയില് സിപിഎമ്മും സര്ക്കാരും അവരെ കയ്യയച്ചു സഹായിക്കുകയാണ്. അവരുടെ ഈ നടപടിയില് അമര്ഷമുള്ള സിപിഎം നേതാക്കള് പോലും മുഖ്യമന്ത്രി പിണറായി വിജയന്റെ കണ്ണുരുട്ടലില് ഭയന്നിരിക്കുകയാണ്. എല്ഡിഎഫിലെ രണ്ടാമത്തെ പ്രമുഖ കക്ഷിയായ സിപിഐ ആവശ്യപ്പെട്ടിട്ടുപോലും ലക്ഷ്മി നായരെ അറസ്റ്റ് ചെയ്യാത്തതിന്റെ പിന്നിലെ രഹസ്യം അവരുടെ ബ്ലാക്മെയിലിംഗില് മുഖ്യമന്ത്രി അടക്കമുള്ളവര് ഭയന്നിരിക്കുന്നു എന്നതാണെന്നും വി.വി. രാജേഷ് പറഞ്ഞു.
ലോ അക്കാദമി വിഷയത്തില് വിദ്യാര്ത്ഥി സമരത്തിന് ഐക്യദാര്ഢ്യം പ്രഖ്യാപിച്ച് ലോ അക്കാദമിക്കു മുന്നില് വി.വി. രാജേഷ് നടത്തുന്ന നിരാഹാര സത്യഗ്രഹം നാലം ദിവസത്തിലേക്ക് കടന്നു. ഇന്നലെ ബിജെപി സംസ്ഥാന പ്രസിഡന്റ് കുമ്മനം രാജശേഖരന്, സിപിഐ നേതാവ് സി.ദിവാകരന് തുടങ്ങിയവര് വി.വി. രാജേഷിനെ സന്ദര്ശിച്ചു. ലക്ഷ്മി നായരെ അറസ്റ്റ് ചെയ്യണമെന്നാവശ്യപ്പെട്ട് മഹിളാ മോര്ച്ച് ഇന്ന് പേരൂര്ക്കടയില് മാര്ച്ച് നടത്തും.
