തിരുവനന്തപുരം: തെരുവുനായ ആക്രമണത്തിന് ശാശ്വത പരിഹാരം കാണണമെന്ന ആവശ്യത്തില് മുഖ്യമന്ത്രിക്ക് മൗനമെന്ന് അഖില കേരള തെരുവുനായ പീഡിതസംഘം മുഖ്യരക്ഷാധികാരി ജോസ് മാവേലി. തെരുവ്നായ്ക്കള്ക്കുവേണ്ടി വാദിക്കുന്ന മേനകാഗാന്ധിയുടെ പേരില് രാഷ്ട്രീയ പ്രത്യാരോപണങ്ങള് ഉന്നയിക്കുന്നതല്ലാതെ ക്രിയാത്മകമായ നടപടി സര്ക്കാരില് നിന്നുണ്ടാവുന്നില്ല. പരിഹാരം ആവശ്യപ്പെട്ട് സെക്രട്ടറിയറ്റിന് മുന്നില് ആരംഭിച്ച സമരം ശക്തമാക്കുമെന്ന് ജോസ് മാവേലിയും ചെയര്പേഴ്സണ് ശോഭനാജോര്ജ്ജും വാര്ത്താസമ്മേളനത്തില് പറഞ്ഞു. തെരുവുനായ്ക്കളുടെ ആക്രമണത്തിന് ഇരയായവര്ക്കും വളര്ത്ത് മൃഗങ്ങള് നഷ്ടപ്പെട്ടവര്ക്കും സര്ക്കാര് നഷ്ടപരിഹാരം നല്കുക, തെരുവുനായ്ക്കള് മൂലമുണ്ടാകുന്ന വാഹനാപകടങ്ങളില് പരിക്കേറ്റ് ആശുപത്രിയില് ചികിത്സയില് കഴിയുന്നവരുടെ ചികിത്സാ ചെലവുകള് മുഴുവന് സര്ക്കാര് വഹിക്കുക, ജനസഞ്ചാര പ്രദേശങ്ങളില് നിന്നും തെരുവുനായ്ക്കളെ മാറ്റി പാര്പ്പിക്കാന് അടിയന്തിര നടപടി കൈക്കൊള്ളുക തുടങ്ങിയ ആവശ്യങ്ങള് ഉന്നയിച്ച് നടത്തുന്ന സമരത്തിന് പിന്തുണയുമായി ഇന്ന് വിഎസ് അച്യുതാനന്ദനും ഉമ്മന്ചാണ്ടിയും സമരപന്തലിലെത്തും.
തെരുവുനായ ആക്രമണം: മുഖ്യമന്ത്രിക്ക് മൗനമെന്ന് ജോസ് മാവേലി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.