തിരുവനന്തപുരം: ഭാരതീയ വിചാരകേന്ദ്രം ഡയറക്ടര് പി.പരമേശ്വന് നവതി ആഘോഷങ്ങള്ക്ക് ജില്ലാ സമിതി രൂപീകരിച്ചു. വിചാര കേന്ദ്രം ജില്ലാ സമിതി അദ്ധ്യക്ഷന് കെ.വി. രാജശേഖരന്റെ അദ്ധ്യക്ഷതയില് കൂടിയ യോഗത്തില് വിചാരകേന്ദ്രം ജോയിന്റ് ഡയറക്ടര് ആര്.സജ്ഞയന് ആമുഖ പ്രഭാഷണം നടത്തി. കേരളത്തിലെ സാംസ്ക്കാരിക തലത്തിന് പുതിയ മാനം കൊണ്ടുവന്നത് പി.പരേമേശ്വരനായിരുന്നു എന്ന് ആര് സജ്ഞയന് പറഞ്ഞു. സാംസ്ക്കാരിക ലോകം ഒരു പ്രത്യേക തലത്തിലായിരുന്നു. ചിലര്ക്കു വേണ്ടി യാഥാര്ത്ഥ്യങ്ങള്ക്കുമേല് കണ്ണടയ്ക്കുമ്പോള് ചില അസത്യങ്ങളെ സത്യങ്ങളെന്ന് പ്രചരിക്കാനും അവര് ശ്രമിച്ചിരുന്നു. ഇതിന് മാറ്റം ഉണ്ടാക്കാ പി.പരമേശ്വരനു കഴിഞ്ഞുവെന്ന് ആര്.സഞ്ജയന് പറഞ്ഞു.
നവതി ആഘോഷങ്ങള്ക്കുവേണ്ടിയുള്ള ധനസമാഹരണത്തിന്റെ ഉദ്ഘാടനം ഒ.രാജഗോപാല് എംഎല്എ നിര്വ്വഹിച്ചു. മതേരതരക്കാര് മറച്ച് വച്ച യാഥാര്ത്ഥ്യങ്ങളെ പുറത്ത് കൊണ്ടവരാന് പി.പരമേശ്വരന് ആയെന്ന് രാജഗോപാല് പറഞ്ഞു. സ്ഥാനങ്ങള്ക്ക് വേണ്ടി മത്സരിക്കുന്നവര് പരമേശ്വരനെ മാതൃകയാക്കണം. എല്ലാ സ്ഥാന മാനങ്ങളില് നിന്നും അദ്ദേഹം വിട്ട് നിന്നു. യഥാര്ത്ഥ പ്രവര്ത്തകരെ വാര്ത്തെടുക്കുന്നതിനാണ് അദ്ദേഹം മുന് തൂക്കം നല്കിയത്. ഒരു വിഭാഗത്തിന്റെ മാത്രം നേതാവായിരുന്ന ശ്രീനാരായണ ഗുരുദേവനെ ദേശീയതയുടെ പ്രതീകമാക്കിയത് പി.പരമേശ്വരന് ഗുരുദേവനെക്കുറിച്ച് എഴുതിയ പുസ്തകത്തിലൂടെയാണെന്നും രാജഗോപാല് പറഞ്ഞു.
നവതിആഘോഷങ്ങളോട് അനുബന്ധിച്ച് വൈചാരിക സദസ്സുകള്, സെമിനാറുകള്, അക്കാദമിക് സമ്മേളനങ്ങള്, ഗീഥാ സമ്മേളനങ്ങള്, വനിതാ സമ്മേളനങ്ങള് തുടങ്ങിയവ സംഘടിപ്പിക്കുമെന്ന് ആഘോഷ സമിതി സംസ്ഥാന ജനറല് സെക്രട്ടറി കെ.സി. സുധീര്ബാബു പറഞ്ഞു. വിചാരകേന്ദ്രം റിസര്ച്ച് ഡയറക്ടര് ഡോ.മധൂസൂദനന്പിള്ള, അജയകുമാര് തുടങ്ങിയവര് സംബന്ധിച്ചു.
