മാഞ്ചസ്റ്റര്: ഇംഗ്ലീഷ് എഫ്എ കപ്പില് തകര്പ്പന് വിജയത്തോടെ മാഞ്ചസ്റ്റര് യുണൈറ്റഡ് അഞ്ചാം റൗണ്ടില്. നാലാം റൗണ്ടില് മറുപടിയില്ലാത്ത നാല് ഗോളുകള്ക്ക് വീഗന് അത്ലറ്റിക്കിനെയാണ് യുണൈറ്റഡ് തകര്ത്തത്.
പന്തടക്കത്തിലും ഷോട്ടുകള് പായിക്കുന്നതിലും മുന്നിട്ടുനിന്ന യുണൈറ്റഡിനായി 44-ാം മിനിറ്റില് ഫെല്ലാനിയാണ് സ്കോറിങ്ങിന് തുടക്കമിട്ടത്. പിന്നീട് 57-ാം മിനിറ്റില് ആന്റണി മാര്ഷലിന്റെ ക്രോസ് ഹെഡ്ഡറിലൂടെ വലയിലെത്തിച്ച് ക്രിസ് സ്മാളിങ്ങ് ലീഡ് ഉയര്ത്തി. 74-ാം മിനിറ്റില് മാര്ഷലിന്റെ പാസ് സ്വീകരിച്ച് ഹെന്റിക് മഖിത്രയാന് ക്ലോസ് റേഞ്ചില് നിന്ന് ഉതിര്ത്ത ഷോട്ട് വലയിലെത്തിയതോടെ യുണൈറ്റഡ് 3-0ന് മുന്നില്.
പിന്നീട് 81-ാം മിനിറ്റില് ബാസ്റ്റിയന് ഷ്വെയ്ന്സ്റ്റീഗറും ലക്ഷ്യം കണ്ടതോടെ യുണൈറ്റഡിന്റെ ഗോള് പട്ടിക പൂര്ത്തിയായി.
മറ്റ് മത്സരങ്ങളില് ഹള്സിറ്റിയെ 4-1ന് തകര്ത്ത് ഫുള്ഹാമും വാറ്റ്ഫോര്ഡിനെ 1-0ന് പരാജയപ്പെടുത്തി മില്വാളും ലീഡ്സ് യുണൈറ്റഡിനെ 1-0ന് പരാജയപ്പെടുത്തി സട്ടണ് യുണൈറ്റഡും അഞ്ചാം റൗണ്ടില് പ്രവേശിച്ചു.
