തിരുവനന്തപുരം: ലോഅക്കാദമിയിലെ വിദ്യാര്ത്ഥി സമരത്തെ അനുകൂലിച്ച് വി.മുരളീധരന് നടത്തുന്ന ഉപവാസ സമരം അഞ്ചാം ദിവസത്തേക്ക് കടന്നു.
സമരപന്തലിലേക്ക് ആവേശം വിതറി വിവധ രാഷ്ട്രീയ സാമൂഹിക പ്രവര്ത്തകര് എത്തി. എബിവിപി ഉള്പ്പെടെയുള്ള വിദ്യാര്ത്ഥി സംഘടനകളും അഭിവാ ദ്യമര്പ്പിച്ച് പ്രകടനമായിഎത്തി. സുരേഷ് ഗോപി എംപി സമരപന്തലിലെത്തി വി.മുരളീധരനെ സന്ദര്ശിച്ചു. സമരം തീര്ക്കാന് ഭരണകക്ഷി മുന്കൈ എടുക്കണമെന്ന് സുരേഷ് ഗോപി എംപി ആവശ്യപ്പെട്ടു. സമരം തീര്ക്കാന് മുന് കൈ എടുക്കേണ്ടത് ഭരിക്കുന്ന പാര്ട്ടിയും സംസ്ഥാന സര്ക്കാരുമാണ്. വിദ്യാര്ത്ഥികളുടെ ആവശ്യങ്ങള് തികച്ചും ന്യായമാണ്. ഇത് പരിഹരിക്കാന് രക്ഷിതാക്കള് കൂടി രംഗത്തുവരണമെന്നും അദ്ദേഹം പറഞ്ഞു. ബിജെപി സംസ്ഥാന സമിതി അംഗവും സംവിധായകനുമായരാജസേനനും സുരേഷ്ഗോപിയോടൊപ്പമുണ്ടായിരുന്നു.
സമരം അവസാനിപ്പിക്കാന് അടിയന്തരമായി സര്ക്കാര് ഇടപെടണമെന്ന് കേരള കോണ്ഗ്രസ്സ് ചെയര്മാന് പി.സിതോമസ് ആവശ്യപ്പെട്ടു. കുട്ടികളുടെ ആവശ്യങ്ങള് അംഗീകരിക്കാന് മാനേജ്മെന്റും സര്ക്കാരും തയ്യാറാകണമെന്ന് ആദിവാസി ഗോത്ര മഹാസഭാ നേതാവ് സി.കെ.ജാനു പറഞ്ഞു. കുട്ടികള്ക്ക് സ്വതന്ത്രമായി പഠിക്കുവാനും അവരുടെ അവകാശങ്ങള് സംരക്ഷിക്കാനുമുള്ള അവസരം സര്ക്കാര് ഒരുക്കണമെന്നും സി.കെ.ജാനു ആവശ്യപ്പെട്ടു.സിന്ഡിക്കേറ്റ് അന്വേഷണത്തില് വിശ്വാസമില്ലെന്ന് സിപിഐ സംസ്ഥാന സമിതി അംഗം സി.ദിവാകരന് പറഞ്ഞു.അക്കാദമിയുടെ പേരിലെ ഭൂമി തട്ടിപ്പ് അന്വേഷിക്കണമെന്നും അക്കാദമിയുടെട്രസ്റ്റ് രജിസ്ട്രേഷന് റദ്ദാക്കി സര്ക്കാര് ഏറ്റെടുക്കണമെന്നും സി.ദിവാകരന് ആവശ്യപ്പെട്ടു.
കോളേജിന്റെ അഫിലിയേഷന് റദ്ദാക്കണമെന്ന് പ്രശാന്ത് ഭൂഷണ് ആവശ്യപ്പെട്ടു. ഗാന്ധിയന് അയ്യപ്പന്പിള്ള, ശബരീനാഥ് എംഎല്എ,കോണ്ഗ്രസ്സ് നേതാവ് ഷാനിമോള് ഉസ്മാന് തുടങ്ങിയവരും സമരപന്തലിലെത്തി. തിരുവല്ലം ബിഎന്വി സ്കൂളിലെ എബിവിപി പ്രവര്ത്തകര് പ്രകടനമായി എത്തി വി.മുരളീധരന് അഭിവാദ്യമര്പ്പിച്ചു.
