പേരാവൂര്: കഴിഞ്ഞ വര്ഷത്തെ വരള്ച്ച കണ്ടിട്ടും നിലവിലെ ജലദൗര്ലഭ്യം കണ്ടിട്ടും ആരും പഠിച്ചില്ല.കാക്കയങ്ങാട് പാലപ്പുഴയില് മണലൂറ്റ് സജീവം. കാക്കയങ്ങാട് പാലപ്പുഴ പാലത്തിന് സമീപം ബാവലിപ്പുഴയിലാണ് സാമൂഹിക വിരുദ്ധര് വ്യാപകമായി മണലൂറ്റ് നടത്തുന്നത്. ആദിവാസികളെ ഉപയോഗിച്ചാണ് സാമൂഹിക വിരുദ്ധര് പുഴയില് നിന്നും മണല് വാരുന്നന്നത്. തുച്ചമായ കൂലി നല്കി ആദിവാസികളെ മുന്നിര്ത്തി മണല് വാരുമ്പോള് പോലീസോ ബന്ധപ്പെട്ട അധികാരികളോ എത്തിയാല് യഥാര്ത്ഥ പ്രതികള് രക്ഷപ്പെടുകയാണ് പതിവ്. പുഴയോട് ചേര്ന്നുള്ള തുരുത്തിടിച്ചും പുഴയില് നിന്നുമാണ് മണലൂറ്റ് നടത്തുന്നത്. പുഴയോരത്ത് ഷെഡ് കെട്ടി അവിടെ താമസിച്ചാണ് മണല് വാരുന്നത്.മുന്വര്ഷങ്ങളിലും ഈ ഭാഗങ്ങളില് മണലൂറ്റ് നടന്നിരുന്നു. അനധികൃതമായ മണല്വാരല് കാരണം മേഖലയിലെ ജലത്രോതസുകള് വറ്റിയിരുന്നു. മുന്വര്ഷങ്ങളില് പഞ്ചായത്തും മറ്റും ഇടപെട്ട് ഒരു പരിധിവരെ മണല്വാരല് നിലച്ചിരുന്നെങ്കിലും ഇപ്പോള് വീണ്ടും സജീവമായിരിക്കുകയാണ്. സംഭവമറിഞ്ഞ് പോലീസ് എത്തുമ്പോഴേക്കും മണല്വാരിക്കൊണ്ടിരുന്നവര് ഓടി രക്ഷപ്പെടുകയായിരുന്നു. മുഴക്കുന്ന് എസ്.ഐ പി.എ.ഫിലിപ്പിന്റെ നേതൃത്വത്തിലുള്ള പോലീസെത്തി ചാക്കിലും പുഴയോരത്തുമായി ശേഖരിച്ച മണല് പുഴയിലേക്ക് തന്നെ നിക്ഷേപിച്ചു. പുഴയോരത്തെ കുടില് പോലീസ് നശിപ്പിക്കുകയും സമീപത്ത് മണല് വാരാന് ഉപയോഗിച്ച സാധന സാമഗ്രികകളും പാത്രങ്ങളും കണ്ടെടുത്തു. ചാക്കുകളിലാക്കുന്ന മണല് പുലര്ച്ചെ ആദിവാസികളെ ഉപയോഗിച്ച് വാഹനങ്ങളിലാക്കി കടത്താറാണെന്ന വിവരം ലഭിച്ചതായും വരുംദിവസങ്ങളില് പരിശോധന കര്ശനമാക്കുമെന്നും പോലീസ് അറിയിച്ചു.
വരള്ച്ച കണ്ടിട്ടും പഠിച്ചില്ല; പാലപ്പുഴയില് മണലൂറ്റ് സജീവം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.