അങ്കമാലി: ഫെഡറല് ഇന്സ്റ്റിറ്റിയൂട്ട് ഓഫ് സയന്സ് ആന്ഡ് ടെക്നോളജിയില് ഇന്റര് നാഷണല് സ്പേസ് ഒളിമ്പ്യാഡിന് വേദിയൊരുങ്ങുന്നു. എട്ടാം ക്ലാസു മുതല് 12-ാം ക്ലാസുവരെയുള്ള വിദ്യാര്ത്ഥികളെ പങ്കെടുപ്പിച്ച് ആകാശവിസ്മയങ്ങളെ സംബന്ധിച്ചുള്ള പഠനത്തിനും ഗവേഷണത്തിനും സൗകര്യമൊരുക്കിയാണ് സ്പേസ് ഒളിമ്പ്യാഡ്.
അന്തര് ദേശീയ പ്രഭാഷണങ്ങള് പ്ലാനിറ്റേറിയം, ടെലിസ് കോപ്പ് മെയ്ക്കിംഗ്, സ്പേസ് ക്വിസ്, സ്കൈ വാച്ച്, സ്പേസ് വാക്ക്, സയന്സ് ഗെയിംസ്, സയന്സ് കളിക്കോപ്പുകളുടെ നിര്മ്മാണം എന്നിവയാണ് ഇതിലൂടെ ലക്ഷ്യം വയ്ക്കുന്നത്.
27,28 തീയതികളിലായി ഫിസാറ്റ് എഞ്ചിനീയറിംഗ് കോളേജില് നടക്കുന്ന പരിപാടിയില് 10 ലക്ഷത്തിലധികം രൂപയുടെ സമ്മാനവും സ്കോളര്ഷിപ്പുകളും വിതരണം ചെയ്യും. കുട്ടികള്ക്ക് അവസരങ്ങള് സൃഷ്ടിക്കുകയാണ് ലക്ഷ്യം. ഐഎസ്ആര്ഒ, ഇന്ഡ്യന് ഇന്സ്റ്റിറ്റിയൂട്ട് ഓഫ് സയന്സ്, ഇന്ഡ്യന് ഇന്സ്റ്റിറ്റിയൂട്ട് ഓഫ് ആസ്ട്രോ ഫിസിക്സ്, ടാറ്റാ ഇന്സ്റ്റിറ്റിയൂട്ട് ഓഫ് ഫഡമെന്റല് റിസേര്ച്ച്, രാമന് റിസേര്ച്ച് ഇന്സ്റ്റിറ്റിയൂട്ട്, കൊച്ചിന് യൂണിവേഴ്സിറ്റി ഓഫ് സയന്സ് ആന്ഡ് ടെക്നോളജി, ഇന്റര് യൂണിവേഴ്സിറ്റി സെന്റര് ഫോര് ആസ്ട്രോണമി ആന്ഡ് ആസ്ട്രോ ഫിസിക്സ് എന്നിവരുടെ സഹകരണത്തോടെയാണ് പരിപാടി.
സ്കൂളുകള്ക്കും, കുട്ടികള്ക്ക് തനിയെയും പരിപാടിയില് രജിസ്റ്റര് ചെയ്യാം. ഇന്റര്നാഷണല് സ്പേസ് ഒളിമ്പ്യാഡില് വിജയികള്ക്ക് സ്കോളര്ഷിപ്പുകള്, ഫിസാറ്റ് സയന്സ് ആന്ഡ് ടെക്നോളജി പാര്ക്കില് ഗവേഷണത്തിനും അവസരം നല്കും. ശാസ്ത്രജ്ഞര്, ഗവേഷകര് തുടങ്ങി സ്പേസ് സയന്സില് നിന്നുളള വിദഗ്ധര് ഒളിമ്പ്യാഡില് പങ്കെടുക്കും. കുട്ടികള്ക്ക് ഒളിമ്പ്യാഡില് പങ്കെടുക്കുന്നതിന്. ംംം.ളശീെ.ളശേെമ.മര.ശി എന്ന വെബ്സൈറ്റില് പേര് രജിസ്റ്റര് ചെയ്യാം. കുടുതല് വിവരങ്ങള്ക്ക് 8089425068 എന്ന നമ്പരില് ബന്ധപ്പെടാം.
