ബംഗളൂരൂ: പുതുവര്ഷരാവില് പെണ്കുട്ടികള്ക്ക് നേരെ പീഡനശ്രമം. പോലീസിന്റെ സാന്നിധ്യത്തിലാണ് സംഭവം. പുതുവര്ഷാഘോഷങ്ങള് കഴിഞ്ഞ് മടങ്ങിയ സംഘത്തിന് നേരെയായിരുന്നു ആക്രമണം.
എംജിറോഡില് വച്ചായിരുന്നു പെണ്കുട്ടികള്ക്ക് നേരെ ഒരുസംഘം അശ്ലീല കമന്റുകളും മറ്റുമായി എത്തിയത്. റോഡ് മുഴുവന് പ്രകാശപൂരിതമായിരുന്നു. സമീപപ്രദേശങ്ങളിലായി 1500 പോലീസുകാരെ സുരക്ഷ്ക്ക് വിന്യസിച്ചിട്ടുമുണ്ടായിരുന്നു.
മദ്യപിച്ചെത്തിയ സംഘം പെണ്കുട്ടികളോട് അപമര്യാദയായി പെരുമാറി. സംഭവം വഷളായതോടെ പോലീസിന് ലാത്തിച്ചാര്ജ് നടത്തേണ്ടി വന്നു.
അതേസമയം, ഇതുമായി ബന്ധപ്പെട്ട് ഒരു പരാതി പോലും ലഭിച്ചിട്ടില്ലെന്നാണു ബെംഗളൂരു സിറ്റി പോലീസിന്റെ വ്യക്തമാക്കി. പുതുവര്ഷ രാവില് നഗരത്തില് സംഭവിച്ചുവെന്നു പറയപ്പെടുന്ന കാര്യങ്ങള് നിര്ഭാഗ്യകരമാണെന്നു കര്ണാടക ആഭ്യന്തരമന്ത്രി ജി. പരമേശ്വര പ്രതികരിച്ചു. ക്രിസ്മസ്, പുതുവല്സരാഘോഷങ്ങള്ക്കിടെ ഇത്തരം സംഭവങ്ങള് പതിവാണെന്നും എന്താണു സംഭവിച്ചതെന്നു പരിശോധിക്കുമെന്നും അദ്ദേഹം അറിയിച്ചു.
സ്ത്രീകള്ക്കെതിരായ അതിക്രമങ്ങള് തടയുന്നതിനു നഗരത്തിലെങ്ങും പൊലീസുകാരെ നിയോഗിച്ചിരുന്നു. 25ല് അധികം സിസിടിവി ക്യാമറകളും സ്ഥാപിച്ചിരുന്നു. എന്നിട്ടും ഇത്തരം സംഭവങ്ങള് അരങ്ങേറിയതു നിര്ഭാഗ്യകരമാണ്. കുറ്റക്കാര്ക്കെതിരെ നടപടിയെടുക്കുമെന്നും അദ്ദേഹം അറിയിച്ചു.
