അടൂര്‍: കടമ്പനാട് വടക്ക് അംബാനിലയത്തില്‍ പ്രസന്നയുടെ പെട്ടിക്കട സിപിഎം-ഡിവൈഎഫ്‌ഐ ഗുണ്ടാസംഘം നശിപ്പിച്ചു.
കഴിഞ്ഞദിവസം സിപിഎം നടത്തിയ മനുഷ്യചങ്ങലയില്‍ പങ്കെടുത്ത് തിരികെ വന്ന സമൂഹ്യവിരുദ്ധരാണ് വടക്ക് കിഴക്കോട്ട് കാവ് ജംങ്ഷനിലുള്ള കട നശിപ്പിച്ചത്. പ്രസന്നയുടെ ഭര്‍ത്താവ് സദാശിവന്‍ രോഗബാധിതനാണ്. രണ്ട് മക്കളും അടങ്ങുന്ന കുടുംബത്തിന്റെ ഏക ആശ്രയം ആയിരുന്നു ഈ കട.
പര്‍പ്പിടകം നിര്‍മ്മിക്കാന്‍ ആവശ്യത്തിനായി ഉണ്ടായിരുന്നമാവ്, മറ്റ് സാധനങ്ങള്‍, എന്നിവ നശിപ്പിച്ചിട്ടുണ്ട്. മറ്റ് വിലയേറിയവസ്തുക്കള്‍ കടയില്‍ നിന്ന് മോഷണവും പോയിട്ടുണ്ട്. ഈ പ്രദേശത്ത് സംഘപരിവാര്‍ പ്രവര്‍ത്തകരുടെ കൊടിയും കൊടിമരങ്ങളും നശിപ്പിക്കുന്നത് പതിവാണ്. മുമ്പ് പലതവണ പരാതി നല്‍കിയെങ്കിലും ഇതുവരേയും പരിഹാരം കാണാന്‍ അധികാരികള്‍ക്ക് സാധിച്ചിട്ടില്ല. എന്നാല്‍ ഭരണസ്വാധീനമുപയോഗിച്ച് നിരപരാധികളായ സംഘപരിവാര്‍ പ്രവര്‍ത്തകരെ കള്ളക്കേസില്‍ കുടുക്കാന്‍ ശ്രമം നടത്തുന്നതും പതിവാണ്. യാതൊരു പ്രകോപനവും ഇല്ലാതെയാണ് പ്രസന്നയുടെ കട നശിപ്പിച്ചത്. കടയ്‌ക്കുള്ളിലിരുന്ന സാധനങ്ങള്‍ തൊട്ടടുത്തുള്ള കുളത്തില്‍ എറിഞ്ഞിട്ടുണ്ട്.
സംഭവത്തില്‍ ബിജെപി കടമ്പനാട് പഞ്ചായത്ത് കമ്മിറ്റി പ്രതിഷേധിച്ചു. കുറ്റക്കാര്‍ക്കെതിരേ നടപടിയെടുത്തില്ലെങ്കില്‍ ശക്തമായ പ്രതിഷേധ പരിപാടികള്‍ നടത്താനും തീരുമാനിച്ചു. കടമ്പനാട് പഞ്ചായത്ത് കമ്മിറ്റി പ്രസിഡന്റ് സജീസ് കുമാര്‍, ജനറല്‍ സെക്രട്ടറി രാജേഷ് കളക്കാട്ട്, അഡ്വ.മോഹനന്‍, സദാശിവന്‍, സാരംഗദരന്‍, അഖില്‍, യുവമോര്‍ച്ച അടൂര്‍ മണ്ഡലം പ്രസിഡന്റ് ഗോപന്‍ മിത്രപുരം, ആര്‍എസ്എസ് താലൂക്ക് കാര്യവാഹ് അഭിലാഷ് എന്നിവര്‍ സംഭവസ്ഥലം സന്ദര്‍ശിച്ചു.
പ്രതികരിക്കാൻ ഇവിടെ എഴുതുക: