തുറവൂര്: തുറവൂര് റെയില്വേ സ്റ്റേഷന് വടക്ക് ഭാഗത്തെ കാട് കഞ്ചാവ് മയക്കുമരുന്നു വില്ലനക്കാരുടെയും വാങ്ങുന്നവരുടെയും ഉപയോഗിക്കുന്നവരുടെയും രഹസ്യ താവളമാകുന്നു.
സ്റ്റേഷന് ഓഫീസിന്റെയും വടക്കുഭാഗത്തെ രണ്ട് ഏക്കറോളമുള്ള കാട് പിടിച്ചു കിടക്കുന്ന പ്രദേശമാണ് ഇവര് താവളമാക്കുന്നത്. സന്ധ്യയാകുന്നതോടെ വില്പനക്കാരും വാങ്ങുന്നവരും ഉപയോഗിക്കുന്നവരും ഇവിടെ രഹസ്യമായി എത്തുന്നു.
കാട്ടില് വള്ളികള് കൊണ്ട് ഇരിപ്പിടവും മറ്റു സംവിധാനങ്ങളും ഒരുക്കിയിട്ടുണ്ട്. ദൂരസ്ഥലങ്ങളില് പഠനം കഴിഞ്ഞു വരുന്ന വിദ്യാര്ത്ഥിനികളും ജോലി കഴിഞ്ഞ് മടങ്ങിയെത്തുന്ന സ്ത്രീകളും ഇതിലൂടെയാണ് കടന്നു പോകുന്നത് ഭയത്തോടെയാണ്.
കൗമാരാക്കാരായ കുട്ടികളാണ് ഏറെയും കഞ്ചാവ് മയക്ക് മരുന്ന് മാഫിയായുടെ പിടിയിലകപ്പെടുന്നത്. ഇതു മൂലം കൗമാരപ്രായക്കാരായ കുട്ടികളുടെ മാതാപിതാക്കള് പേടിയിലാണ്. സന്ധ്യകളിലും രാത്രിയിലും പോലിസ് പെട്രോളിംഗ് കര്ശനമാക്കണമെന്ന് നാട്ടുകാര് ആവശ്യപ്പെട്ടു.
