ന്യൂദല്ഹി; പ്രമുഖ പരിസ്ഥിതി പ്രവര്ത്തകനും പത്രപ്രവര്ത്തകനും ഗാന്ധിയനുമായിരുന്ന അനുപം മിശ്ര( 68) അന്തരിച്ചു. പ്രോസ്ട്രേറ്റ് കാന്സറിനെത്തുടര്ന്ന് എയിംസില് ചികിത്സയിലായിരുന്നു അദ്ദേഹം.
കുടിവെള്ള സംരക്ഷണത്തിനു വേണ്ടി നിരന്തരം പോരാടിയ മിശ്രക്ക് 96ല് കേന്ദ്ര വനംപരിസ്ഥിതി മന്ത്രാലയത്തിന്റെ ഇന്ദിരാഗാന്ധിപര്യാവരണ് പുരസ്ക്കാരം ലഭിച്ചിരുന്നു. ഗ്രാമങ്ങളില് സഞ്ചരിച്ച് കുടിവെള്ള സംരക്ഷണത്തിന്റെ ആവശ്യകതയെപ്പറ്റി ബോധവല്ക്കരണം നടത്തി. ഇന്നും തടാകങ്ങള് നിലകൊള്ളുന്നു, രാജസ്ഥാനിലെ മഴത്തുള്ളികള് എന്നിവയടക്കം നിരവധി പുസ്തകങ്ങള് രചിച്ചിട്ടുണ്ട്.
48ല് മഹാാഷ്ട്രയിലെ വാര്ധയില് ജനനം. 69 ല്വിദ്യാഭ്യാസം പൂര്ത്തിയാക്കി ദല്ഹി ഗാന്ധി പീസ് ഫൗണ്ടേഷനില് ചേര്ന്നു.സുന്ദര്ലാല് ബഹുഗുണയുടെ ചിപ്കോയെന്ന പരിസ്ഥിതി പ്രസ്ഥാനത്തിലും പ്രവര്ത്തിച്ചു.അതിന്റെ ചരിത്രവും രചിച്ചു.2007 2008ല് മധ്യപ്രദേശ് സര്ക്കാരിന്റെ അമര് ഷഹീദ് ചന്ദ്രശേഖര് ആസാദ് പുരസ്ക്കാരം ലഭിച്ചു.2011ല് ജമല്ലാല് ബജാജ് അവാര്ഡ് ലഭിച്ചു. ഗാന്ധി മാര്ഗം എന്ന പ്രസിദ്ധീകരണത്തിന്റെ എഡിറ്ററായിരുന്നു.
