ബത്തേരി :പുല്‍പ്പളളിക്കടുത്ത എര്യപ്പളളിയിലെ റോഡുപുറംപോക്കില്‍ കഴിഞ്ഞ മൂന്ന്പതിറ്റാണ്ടായി ജീവിതം തളളി നീക്കിയ വയോധികനായ സുലൈമാന് അവസാനം ആശ്രയമായി. ബത്തേരി പൂമലയില്‍ പുതുതായി തുടങ്ങുന്ന എന്റെ വീട് എന്ന അഗതി മന്ദിരത്തിലെ ആദ്യത്തെ അന്തേവാസിയായി എത്തിയ ഈ അറുപത്തിയെട്ടുകാരന് എര്യപ്പളളി റേഷന്‍കട പ്രദേശവാസികളും ഗ്രാമപഞ്ചായത്ത് പ്രസിഡണ്ട് ബിന്ദു പ്രകാശും വാര്‍ഡ്‌മെമ്പര്‍ സിന്ധുബാബുവും മറ്റ് പഞ്ചായത്ത് ഭരണസമിതി അംഗങ്ങളുംചേര്‍ന്ന് യാത്രയയപ്പ് നല്‍കി. വര്‍ഷങ്ങള്‍ക്ക് മുമ്പ് കൂലിപണി തേടി വയനാട്ടിലെത്തിയ സുലൈമാന് അങ്ങനെ സ്വരൂപിച്ച തുകകൊണ്ടാണ് ഒരു ഗുമട്ടികട സ്വന്തമാക്കിയതും. കട എന്നതിലുപരി ഇയാള്‍ക്ക് ഇതായിരുന്നു സ്വന്തം വീട്. അവിവാഹിതനും ബന്ധക്കള്‍ ആരോരും ഇല്ലാത്ത സുലൈമാന് നാട്ടുകാരായിരുന്നു കുടുംബക്കാരും. മറ്റുളളവരെ സഹായിക്കാന്‍ സന്നദ്ധനായിരുന്ന ഇയാള്‍ക്ക് പ്രായധിക്യം മൂലം രോഗങ്ങള്‍ തുടങ്ങിയപ്പോഴും നാട്ടുകാരാണ് തുണയായത്. മുന്‍പ് കൂലിപ്പണിക്കും പങ്ക് കൃഷിക്കും പോയിരുന്ന ഇയാള്‍ക്ക് ആരോഗ്യ പ്രശ്‌നങ്ങള്‍ കലശലായിട്ട് അധികമായില്ല. അഗതി മന്ദിരത്തിന്റെ പ്രതിനിധികളായി എത്തിയ ഗോപിനാഥും മുജീബും ഗ്രാമ പഞ്ചായത്ത് പ്രസിഡണ്ട് ബിന്ദു പ്രകാശിന്റെ പക്കല്‍ നിന്ന് രേഖകള്‍ സ്വീകരിച്ചാണ് സുലൈമാനെ ഏറ്റുവാങ്ങിയത്. പൂമലയിലെത്തിയ ഇയാളെ ഡയറക്ടര്‍ അബ്ദുള്‍ റഹിമാനും ചെയര്‍മാന്‍ പി.എം.രാമകൃഷ്ണനും പ്രദേശ വാസികളും ചേര്‍ന്ന് സ്വീകരിച്ചു.
Friday, January 31, 2025
എന്റെ വീട്ടില്‍ ഒന്നാമനായി സുലൈമാനെത്തി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: