ചേര്ത്തല: വഴിയാത്രക്കാരനെ ആക്രമിച്ച് സ്വര്ണമാല പൊട്ടിച്ച് കടന്നയാള് പിടിയില്. നഗരസഭ 14-ാം വാര്ഡില് മരുത്തോര്വട്ടം തോപ്പുവെളിയില് നെബു(33) നെയാണ് അറസ്റ്റ് ചെയ്തത്. കഞ്ഞിക്കുഴി പഞ്ചായത്ത് 15-ാം വാര്ഡില് ആയിരംതൈ കോളനിയില് ദിലുമോന്റെ(26) ഒരു പവന്റെ മാല പൊട്ടിച്ച കേസുമായി ബന്ധപ്പെട്ടാണ് അറസ്റ്റ്. ബുധനാഴ്ച രാത്രി ചേര്ത്തല കാര്ത്യായനി ദേവീക്ഷേത്രത്തിന് പിന്നില് തെക്ക് ഭാഗത്തായിരുന്നു സംഭവം. ഇതുവഴി സഞ്ചരിക്കുകയായിരുന്ന ദിലുമോനെ വഴിയില് തടഞ്ഞ് നിര്ത്തി ആക്രമിച്ച ശേഷം നെബു മാല പൊട്ടിച്ച് കടക്കുകയായിരുന്നു. പിന്നീട് ദിലുമോന് പോലീസ് സ്റ്റേഷനിലെത്തി പരാതി നല്കുകയായിരുന്നു. ആളെ തിരിച്ചറിയാന് കഴിയാത്തതിനാല് സ്ഥിരം മോഷ്ടാക്കളുടെ ചിത്രങ്ങള് പോലീസ് ഇയാളെ കാണിച്ചു. ഇതില് നിന്നാണ് നെബുവാണ് മോഷ്ടാവെന്ന് തിരിച്ചറിഞ്ഞത്. തുടര്ന്ന് ഇന്നലെ പുലര്ച്ചെ എസ്ഐ എം.എം. ഇഗ്നേഷ്യസിന്റെ നേതൃത്വത്തിലുള്ള പോലീസ് സംഘം വീട്ടിലെത്തി നെബുവിനെ അറസ്റ്റ് ചെയ്യുകയായിരുന്നു. മാല ഇയാളുടെ വീട്ടില് നിന്ന് കണ്ടെത്തി. മയക്കുമരുന്ന് വിപണനമടക്കം നിരവധി കേസുകളില് പ്രതിയാണിയാണ് ഇയാളെന്ന് പോലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
സ്വര്ണമാല പൊട്ടിച്ച് കടന്നയാള് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.