10 പേര് വര്ധ കൊടുങ്കാറ്റില് തമിഴ്നാട്ടില് കൊല്ലപ്പെട്ടു. കനത്ത നാശനഷ്ടമാണ് കൊടുങ്കാറ്റും പേമാരിയും സംസ്ഥാനത്തുണ്ടാക്കിയത്. കാറ്റിലും മഴയിലും വൈദ്യുതി ബന്ധം പൂര്ണമായും തകര്ന്നു. ടെലിഫോണ് പോസ്റ്റുകളും വന്മരങ്ങളും കടപുഴകി.
12 ശതമാനം ഇന്ധന ഉപഭോഗം വര്ദ്ധിച്ചതായി റിപ്പോര്ട്ട്. നോട്ട് അസാധുവാക്കലിനെ തുടര്ന്നാണ് ഈ പ്രതിഭാസം. അസാധുവാക്കിയ നോട്ടുകള് പമ്പുകളില് സ്വീകരിക്കുമെന്ന പ്രഖ്യാപനത്തെ തുടര്ന്നാണ് ആളുകള് പമ്പുകളിലെത്തി പണം മാറിയത്.
17 കുടുംബങ്ങള്ക്ക് കശ്മീര് സര്ക്കാരിന്റെ സഹായം. ഏറ്റുമുട്ടലില് കൊല്ലപ്പെട്ടവരുടെ കുടുംബങ്ങള്ക്കാണ് സഹായം പ്രഖ്യാപിച്ചിട്ടുളളത്. ഹിസ്ബുള് മുജാഹിദീന് ഭീകരന് ബുര്ഹാന് വാനിയുടെ കുടുംബവും പട്ടികയിലുണ്ട്.
60 കോടി രൂപയും 245 കിലോ സ്വര്ണവും ഒരു മാസത്തിനുളളില് രാജ്യത്തെ പ്രധാന വിമാനത്താവളങ്ങളില് നിന്ന് പിടികൂടി. സിഐഎസ്എഫാണ് ഇക്കാര്യം വെളിപ്പെടുത്തിയത്. നോട്ട് റദ്ദാക്കിയ നവംബര് എട്ടുമുതല് ഈ മാസം എട്ടുവരെയുളള കണക്കാണിത്.
93 ദളിത് പീഡനക്കേസുകള് സംസ്ഥാനത്ത് പത്ത് മാസത്തിനിടെ റിപ്പോര്ട്ട് ചെയ്തു. പിണറായി സര്ക്കാര് അധികാരത്തിലേറിയ ശേഷം ദളിത് പീഡനം വര്ദ്ധിച്ചതായും റിപ്പോര്ട്ടുണ്ട്. ക്രൈം റിക്കോര്ഡ്സ് ബ്യൂറോയാണ് ഈ കണക്കുകള് പുറത്ത് വിട്ടത്.
