സമസ്ത നേതാക്കള്‍ക്കെതിരെ കേസെടുത്തത് അപലപനീയം

കല്‍പ്പറ്റ: ഏക സിവില്‍ കോഡിനെതിരെ സമസ്ത ജില്ലാ കോഡിനേഷന്റഎ ആഭിമുഖ്യത്തില്‍ കഴിഞ്ഞ 22ന് കല്‍പ്പറ്റയില്‍ നടത്തിയ ശരീഅത്ത് സംരക്ഷണ റാലിയില്‍ പങ്കെടുത്ത സമസ്ത നേതാക്കള്‍ക്കും പ്രവര്‍ത്തകര്‍ക്കുമെതിരെ 143, 147, 149, 283 വകുപ്പുകള്‍ ചുമത്തി കേസെടുത്തത് തീര്‍ത്തും അപലപനീയവും അന്യായവുമാണന്ന് സമസ്ത നേതാക്കള്‍ പറഞ്ഞു. ഒരാഴ്ച മുമ്പ് ജില്ലാ പൊലിസ് മേധാവിയില്‍ നിന്നും പെര്‍മിഷനെടുത്ത് സബ് ഇന്‍സ്‌പെക്ടറുടെയും പൊലിസുകാരുടെയും നിര്‍ദേശങ്ങള്‍ പൂര്‍ണമായി പാലിച്ച് അവരുടെ സാന്നിദ്ധ്യത്തില്‍ സമാധാനപരമായി സംഘടിപ്പിച്ച റാലിക്കെതിരെ അന്യായമായി സംഘം ചേര്‍ന്നു എന്ന കുറ്റം ചുമത്തി കേസെടുത്തത് മറ്റെന്തോ സ്വാര്‍ഥ താല്‍പര്യങ്ങള്‍ക്ക് വേïിയാണ്. സമാധാനവും സാഹാര്‍ദ്ദവും കാത്ത് സൂക്ഷിച്ച് നിയമത്തിന്റെ പരിധിയില്‍ നിന്ന് മാത്രമേ സമസ്ത ഇക്കാലമത്രയും പ്രവര്‍ത്തിച്ചത്. സമസ്ത കോഡിനേഷന്‍ ഭാരവാഹികളായ പിണങ്ങോട് അബൂബക്കര്‍, സി.പി ഹാരിസ് ബാഖവി, പി.സി ഇബ്‌റാഹീം ഹാജി, സമസ്ത ജില്ലാ സെക്രട്ടറി എസ് മുഹമ്മദ് ദാരിമി, എസ്.എം.എഫ് ജില്ലാ വര്‍ക്കിങ് സെക്രട്ടറി കാഞ്ഞായി ഉസ്മാന്‍, എസ്.വൈ.എസ്, എസ്.കെ.എസ്.എസ്.എഫ് നേതാക്കളായ ശംസുദ്ദീന്‍ റഹ്മാനി, ശൗകത്തലി മൗലവി, നൗഫല്‍ വാകേരി, എം അബ്ദുറഹ്മാന്‍ ഹാജി തലപ്പുഴ, കെ.സി നവാസ് മൗലവി, ഹാരിസ് ബനാന, മദ്‌റസ മാനേജ്‌മെന്റ് അസോസിയേഷന്‍ ജില്ലാ സെക്രട്ടറി എം മുഹമ്മദ് ബഷീര്‍, റാലിയില്‍ സംബന്ധിച്ച ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത്, ജില്ലാ പഞ്ചായത്തംഗം പി ഇസ്മായില്‍, മുന്‍ ബ്ലോക്ക് പഞ്ചായത്ത് പ്രസിഡന്റ് സലീം മേമന തുടങ്ങി 15 ഓളം പേര്‍ക്കെതിരെ നേരിട്ടുംകണ്ടാലറിയാവുന്ന ആറായിരത്തോളം പേര്‍ക്കെതിരെയുമാണ് കേസെടുത്തത്.