കൊച്ചി: എറണാകുളം പ്രസ്ക്ലബിന്റെ പി.എസ്.ജോണ് സ്മാരക എന്ഡോവ്മെന്റ് അവാര്ഡിന് കമാന്ഡോ പി.വി.മനേഷ് അര്ഹനായി. 10,000 രൂപയും പ്രശസ്തി പത്രവും ഫലകവും അടങ്ങുന്ന പുരസ്ക്കാരം ഡിസംബര് 16, വെള്ളിയാഴ്ച രാവിലെ 11.30 ന് എറണാകുളം ടിഡിഎം ഹാളില് നടക്കുന്ന ചടങ്ങില് കേരള ഗവര്ണര് ജസ്റ്റിസ് പി.സദാശിവം സമ്മാനിക്കും. മുന്കേന്ദ്രമന്ത്രി പ്രൊഫ.കെ.വി.തോമസ് എംപി, സുരേഷ് ഗോപി എംപി, ഹൈബി ഈഡന് എംഎല്എ, മേയര് സൗമിനി ജെയിന്, മുന് എംപി. പി.രാജീവ് എന്നിവര് ചടങ്ങില് പങ്കെടുക്കും. എറണാകുളം പ്രസ് ക്ലബിന്റെ മുന് പ്രസിഡന്റും മലയാള മനോരമയുടെ രാഷ്ട്രീയകാര്യ ലേഖകനും ബ്യൂറോ ചീഫും ആയിരുന്ന പി.എസ്.ജോണിന്റെ സ്മരണാര്ഥം ഏര്പ്പെടുത്തിയതാണ് പുരസ്കാരം. 1996 ല് ആരംഭിച്ച പുരസ്കാരത്തിന് ഇതേ വരെ പരിഗണിക്കപ്പെടാതിരുന്ന മേഖലയില് നിന്നുള്ള വ്യക്തിത്വങ്ങളെയാണ് ഇത്തവണ പരിഗണിച്ചത്.
കാര്ഗില് യുദ്ധത്തില് ഓപ്പറേഷന് വിജയ്, ഓപ്പറേഷന് പരാക്രം, ഓപ്പറേഷന് രക്ഷക്, ഓപ്പറേഷന് അമന്, ഓപ്പറേഷന് ഹിഫസ്സറ്റ് എന്നീ സൈനിക നീക്കങ്ങങ്ങളുടെ ഭാഗമായിട്ടുള്ള മനേഷ് മുംബൈ തീവ്രവാദ ആക്രമണവേളയില് ഓപ്പറേഷന് ബഌക്ക് ടൊര്ണാഡോ യുടെ ഭാഗമായി ചെയ്ത സേവനങ്ങള് പരിഗണിച്ചാണ് പുരസ്കാരം. മുംബൈ ഒബ്റോയ് ഹോട്ടലില് 34 പേരെ വധിച്ച ഭീകരരെ തുരത്തുന്നതിനായി എത്തിയ മനേഷ് വിദേശികളടക്കം 31 പേരെയാണ് രക്ഷപ്പെടുത്തിയത്. ഇരുട്ടില് തപ്പിത്തടഞ്ഞാണ് മനേഷ് ഇത്രയും പേരെ രക്ഷപ്പെടുത്തിയത്. ഇതിനിടെ തലയ്ക്ക് വെടിയേറ്റ് രക്തം വാര്ന്നൊഴുകിയെങ്കിലും ബോധം മറയും മുന്പേ ഇദ്ദേഹം ഒരു തീവ്രവാദിയെ വെടിവെച്ച് വീഴ്ത്തി. ഭീകരരെ തുരത്താനുള്ള ശ്രമത്തിനിടെ കാട്ടിയ മാതൃകാപരമായ ധീരതയും ശൗര്യവും ഇച്ഛാശക്തിയും അര്പ്പണബോധവും കണക്കിലെടുത്താണ് പി.വി.മനേഷിനെ അവാര്ഡിനായി തെരഞ്ഞെടുത്തത്. ശൗര്യചക്ര ബഹുമതി നല്കി രാജ്യം ഇദ്ദേഹത്തെ ആദരിച്ചിട്ടുണ്ട്. കണ്ണൂര് അഴീക്കോട് സ്വദേശിയാണ് മനേഷ്. ഭാര്യ: പി.ഷീമ. മകന്: യദു കൃഷ്ണന്.
കേരളത്തിലെ സാമൂഹിക രംഗത്ത് സമഗ്ര സംഭാവനകള് നല്കിയ വ്യക്തിത്വങ്ങള്ക്ക് നല്കുന്നതാണ് പി.എസ്.ജോണ് പുരസ്കാരം. സി.കെ.ചന്ദ്രപ്പന്, ഇഎം എസ്, ഡോ.ഇ.ശ്രീധരന്, വി.ജെ.കുര്യന്, ഡോ.കസ്തൂരിരംഗന്, അമ്മന്നൂര് മാധവ ചാക്യാര്, ഡോ.പി.കെ.വാര്യര്, അഞ്ജു ബോബി ജോര്ജ്, വിഎസ്, അടൂര് ഗോപാലകൃഷ്ണന്, കെ.ആര്.ഗൗരിയമ്മ, സുകുമാരി, ഡോ.ജി.മാധവന് നായര്, കലാമണ്ഡലം ഗോപി, ഡോ.എം.ലീലാവതി, മമ്മൂട്ടി എന്നിവര്ക്കാണ് നേരത്തെ പുരസ്കാരം ലഭിച്ചിട്ടുള്ളത്.
പ്രസ്ക്ലബ് പ്രസിഡണ്ട് കെ.രവികുമാര്, ട്രഷറര് പി.എ. മെഹബൂബ് എന്നിവര് വാര്ത്താ സമ്മേളനത്തില് പങ്കെടുത്തു.
