കോട്ടയം: അനധികൃത മദ്യത്തിന്റെയും മയക്കുമരുന്നുകളുടെയും നിര്മ്മാണം, വില്പന, ശേഖരണം, കടത്തികൊണ്ടുപോകല് എന്നിവ തടയുന്നതിനായി പരിശോധന ശക്തിപ്പെടുത്തിയതായി എക്സൈസ് ഡെപ്യൂട്ടി കമ്മീഷണര് അറിയിച്ചു. ഡിസംബര് അഞ്ച് മുതല് ഒരു മാസത്തേക്ക് കോട്ടയം ഡിവിഷന് ഓഫീസില് 24 മണിക്കൂറും പ്രത്യേക കണ്ട്രോള് റൂം പ്രവര്ത്തിക്കും. അനധികൃത മദ്യമയക്കുമരുന്ന് ഇടപാടുകള് തടയുന്നതിനായി പോലീസ്, ഫോറസ്റ്റ്, റവന്യൂ എന്നീ വകുപ്പുകളുമായി സഹകരിച്ച് സംയുക്ത റെയ്ഡുകള് നടത്തും. വിദ്യാഭ്യാസസ്ഥാപനങ്ങള് കേന്ദ്രീകരിച്ചുളള പാന്മസാല, പുകയില ഉല്പന്നങ്ങളുടെ വില്പ്പന എന്നിവ കണ്ടെത്തുന്നതിന് കടകളിലും ക്ലബുകളിലും ഇന്റലിജന്സ് ടീം, ഷാഡോ എക്സൈസ്, വനിതാ സ്ക്വാഡ് എന്നിവ മിന്നല് പരിശോധന നടത്തും.
അനധികൃത മദ്യമയക്കുമരുന്ന് ഇടപാടുകള് സംബന്ധിച്ച് വിവരം ലഭിക്കുന്നവര് അടുത്തുളള എക്സൈസ് ഓഫീസില് അറിയിക്കണമെന്നും ഡെപ്യൂട്ടി കമ്മീഷണര് അറിയിച്ചു. ഫോണ് നമ്പരുകള് എക്സൈസ് ഡിവിഷന് ഓഫീസ് ആന്റ് എക്സൈസ് കണ്ട്രോള് റൂം (0481 2562211),
എക്സൈസ് സര്ക്കിള് ആഫീസ്, കോട്ടയം(0481 2583091,9400069508), ചങ്ങനാശ്ശേരി (0481 2422741, 9400069509), പൊന്കുന്നം (04828 221412, 9400069510),പാലാ(04822 212235, 9400069511),വൈക്കം (04829 231592, 9400069512), എക്സൈസ് സ്പെഷ്യല് സ്ക്വാഡ് (0481 2573801,9400069506), അസി.എക്സൈസ് കമ്മീഷണര് (9496002865), ഡെപ്യൂട്ടി എക്സൈസ് കമ്മീഷണര് (9447178057)
