മേപ്പാടി: ഹരിതകേരളം പദ്ധതിയുടെ ഭാഗമായി നാളെ മേപ്പാടി, ചെതലത്ത്, കല്‍പ്പറ്റ ഫോറസ്റ്റ് റേഞ്ച് ഓഫിസുകളുടെ ആഭിമുഖ്യത്തില്‍ വിവിധ പരിപാടികള്‍ സംഘടിപ്പിക്കും. പ്രകൃതിസംരക്ഷണത്തിന്റെ പ്രധാന്യത്തെക്കുറിച്ച് അവബോധം സൃഷ്ടിക്കുക, മലിനീകരണം തടയുക എന്ന ലക്ഷ്യങ്ങള്‍ മുന്‍നിര്‍ത്തിയാണ് പരിപാടികള്‍.
ഇക്കോടൂറിസം കേന്ദ്രങ്ങളായ ചെമ്പ്രാപീക്ക്, സൂചിപ്പാറ, പാക്കം കുറുവ, വാരാമ്പറ്റ മീന്‍മുട്ടി എന്നിവിടങ്ങളില്‍ പരിസര ശുചീകരണം, സന്ദേശയാത്ര, മാലിന്യ നിര്‍മാര്‍ജനം തുടങ്ങിയവ സംഘടിപ്പിക്കും. രാവിലെ ഒമ്പതിന് ആരംഭിക്കുന്ന പരിപാടിയില്‍ പങ്കെടുക്കാന്‍ താല്‍പര്യമുള്ളവര്‍ കൃത്യസമയത്ത് നിശ്ചിത കേന്ദ്രങ്ങളില്‍ എത്തണമെന്നു സൗത്ത് വയനാട് ഡിഎഫ്ഒ അറിയിച്ചു.
പ്രതികരിക്കാൻ ഇവിടെ എഴുതുക: