കല്‍പ്പറ്റ : ട്രഷറികളില്‍ പണം നിറക്കാതെ പെന്‍ഷന്‍കാരെ വഞ്ചിച്ച ധനമന്ത്രി പെന്‍ഷണേഴ്‌സിനോട് മാപ്പു പറയണം. ജില്ലാ പെന്‍ഷണേഴ്‌സ് സംഘ്. കല്‍പ്പറ്റ കേരളത്തിലെ പല ട്രഷറികളിലും ഒന്നാം തീയതി പെന്‍ഷന്‍ മുടങ്ങാനും പെന്‍ഷന്‍ ലഭിക്കുവാന്‍ കാത്തുകെട്ടി നിന്നിട്ടും നിരാശരായി തിരിച്ചുപോകാനുമുള്ള സാഹചര്യം സൃഷ്ടിച്ച കേരള സര്‍ക്കാറിന്റെയും ധനമന്ത്രിയുടേയും നടപടിയില്‍ ജില്ലാ പെന്‍ഷണേഴ്‌സ് സംഘ് പ്രതിഷേധം രേഖപ്പെടുത്തി.
പ്രതിപക്ഷ നേതാവും ധനമന്ത്രിയുമായുള്ള വാക്‌പോരാട്ടം അണികളെ പിടിച്ചു നിര്‍ത്താനുള്ള ശ്രമമാണ്. പെന്‍ഷനേഴ്‌സിന് ഒന്നാം തീയതി കിട്ടുന്ന പെന്‍ഷന്‍ അവരുടെ ജീവസന്ധാരണ മാര്‍ഗ്ഗമാണ് .അവഗണനയോടെ നിസംഗതയോടെ നോക്കി നില്‍ക്കുന്ന ധനമന്ത്രി, മറ്റു സ്‌റ്റേറ്റുകളില്‍ പെന്‍ഷന്‍ വിതരണത്തിന് അവലംബിച്ച മാര്‍ഗ്ഗങ്ങള്‍ ആരായുന്നതിനു പകരം കേന്ദ്രത്തിനെ കുറ്റം പറയാനാണ് സമയം കണ്ടെത്തുന്നത്.
യോഗത്തില്‍ പെന്‍ഷണേഴ്‌സ് സംഘ് ജില്ലാ സെക്രട്ടറി എ.സി.രവിന്ദ്രന്‍ പ്രമേയം അവതരിപ്പിച്ചു. പ്രസിഡന്റ് സി. പി.വിജയന്‍ അദ്ധ്യക്ഷത വഹിച്ചു. സംസ്ഥാന കമ്മറ്റിയംഗം പി.സുന്ദരന്‍, വൈസ് പ്രസിഡന്റ് കെ.എം.കൊച്ചുകുട്ടന്‍, ഡോ. രാഘവവാര്യര്‍, കെ.ടി.ബാലകൃഷ്ണന്‍, ബ്ലോക്ക് സെക്രട്ടറിമാരായ എം.ഈശ്വരന്‍, പി.പി.ശശീന്ദ്രന്‍ ,കെ. കൃഷ്ണന്‍ തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: