തൊടുപുഴ: ഇടവെട്ടിയില് സിപിഎം ഭീകര വാഴ്ച്ചയ്ക്കെതിരെയും അക്രമ രാഷ്ട്രീയത്തിനെതിരെയും ജനകീയ സദസ് നടത്തി. ഇടവെട്ടി പോസ്റ്റോഫീസ് ജംങ്ഷനില് ശനിയാഴ്ച വൈകുന്നേരം നടന്ന യോഗം ബിജെപി സംസ്ഥാന സമിതിയംഗം ശ്രീനഗരി രാജന് ഉദ്ഘാടനം ചെയ്തു.
ബിജെപി നിയോജക മണ്ഡലം വൈസ് പ്രസിഡന്റ് സുരേഷ് കണ്ണന് അദ്ധ്യക്ഷത വഹിച്ചു. പഞ്ചായത്ത് പ്രസിഡന്റ് സന്തോഷ് കെ ജി, ബിജെപി മുന് സംസ്ഥാനസമിതിയംഗം സന്തോഷ് അറയ്ക്കന്, രാഷ്ട്രീയ സ്വയം സേവക സംഘം ജില്ലാ വിഭാഗ് കാര്യവാഹക് പി ആര് ഹരിദാസ്, ബിഎംഎസ് മേഖല സെക്രട്ടറി കെ ആര് വിജയന്, മേഖല പ്രസിഡന്റ് അഡ്വ. കൃഷ്ണചന്ദ്രന്, യുവമോര്ച്ച സംസ്ഥാന സമിതിയംഗം കെ കെ രാജു തുടങ്ങിയവര് സംസാരിച്ചു. സിപിഎമ്മിന്റെ അക്രമ രാഷ്ട്രീയത്തിനെതിരെ സംസ്ഥാനത്തെമ്പാടും നടക്കുന്ന ക്യാമ്പയിന്റെ ഭാഗമായാണ് ഇടവെട്ടിയിലും പരിപാടി സംഘടിപ്പിച്ചത്.
നൂറ് കണക്കിന് അനുഭാവികളും പരിപാടിയില് പങ്കെടുക്കുന്നതിനായി എത്തി.
പ്രതികരിക്കാൻ ഇവിടെ എഴുതുക: