.
തൊടുപുഴ: പട്ടാപ്പകല്‍ മുഖംമൂടിധാരികള്‍ പെണ്‍കുട്ടിയെ ഭയപ്പെടുത്തി. തൊടുപുഴ കീരികോടിന് സമീപം ഇന്ന
ലെ രാവിലെ എട്ടിനാണ് സംഭവം നടന്നത്. രാവിലെ ട്യൂഷന്‍ കഴിഞ്ഞ് മടങ്ങുകയായിരുന്ന പന്ത്രണ്ട്കാരിയാണ് പരാതിയുമായി രംഗത്തെത്തിയിരിക്കുന്നത്. പെണ്‍കുട്ടിയുടെ വീടിന്റെ സമീപത്തെ ഭിത്തിയില്‍ പ്രത്യേക തരത്തിലുള്ള അടയാളങ്ങളും കണ്ടെത്തിയിട്ടുണ്ട്. നഗരത്തില്‍ മീന്‍ കച്ചവടം നടത്തിവരികയാണ് പെണ്‍കുട്ടിയുടെ പിതാവ്.
ഒരേ വേഷം ധരിച്ചെത്തിയ സംഘം പ്രത്യേക തരത്തില്‍ ശബ്ദമുണ്ടാക്കിയതായും വിവരമുണ്ട്. ഇവരെകണ്ട് ഭയന്ന പെണ്‍കുട്ടി ഓടി രക്ഷപെട്ട് വീടിനുള്ളില്‍ കയറുകയായിരുന്നു. പെണ്‍കുട്ടി ഇപ്പോഴും സമനില വീണ്ടെടുത്തിട്ടില്ല. പരിസരവാസികള്‍ സമീപത്ത് പരിശോധന നടത്തിയെങ്കിലും കാര്യമായി ഒന്നും കണ്ടെത്താനായില്ല.
വീടിന് സമീപത്ത് നിന്നും 100മീറ്റര്‍ മാറിയാല്‍ ആളൊഴിഞ്ഞ മേഖലയാണ്. സമീപത്തായി റബ്ബര്‍തോട്ടങ്ങള്‍ നിറഞ്ഞ് നില്‍ക്കുന്ന ഭാഗങ്ങളിലും നാട്ടുകാരുടെ നേതൃത്വത്തില്‍ പരിശോധന നടത്തി. വിവരമറിഞ്ഞ് സമീപത്തുതാമസിക്കുന്ന പോലീസുകാരന്‍ സ്ഥലത്തെത്തി പരിശോധന നടത്തിയശേഷം തൊടുപുഴ പോലീസില്‍ വിവരമറിയിക്കുകയായിരുന്നു.
സംഭവം നടന്ന് മണിക്കുറുകള്‍ക്ക് ശേഷമാണ്്
പോലീസ് സ്ഥലത്തെത്തിയത്. ഇവിടെ പരിസരവാസികളായി എട്ടുപേരുടെ വിടുകളാണുള്ളത്. ഇതില്‍ സമീപത്തെ വീടുകളിലായി ഒരു വയസിനും അഞ്ചുവയസിനുമിടിയില്‍ പ്രായമുള്ള അഞ്ചിലധികം കുട്ടികളാണുള്ളത്. കുട്ടികളെ കടത്തുന്ന സംഘമാണ് ഇതിന് പിന്നിലെന്നാണ് ഇവര്‍ പറയുന്നത്. സംഭവത്തെക്കുറിച്ച് ജില്ലാ സ്‌പെഷ്യല്‍ ബ്രാഞ്ചും,സംസ്ഥാന സ്‌പെഷ്യല്‍ ബ്രാഞ്ചും അന്വേഷണം ആരംഭിച്ചു.
എന്നാല്‍ സംഭവത്തിന് പിന്നില്‍ ദുരുഹതയുള്ളതായാണ് തൊടുപുഴ പോലീസ് പറയുന്നത്. വിശദമായ അന്വേഷണത്തിന് ശേഷം മാത്രമേ കൂടുതല്‍ വിവരങ്ങള്‍ പറയാനാകുവെന്ന് എസ്‌ഐ പറഞ്ഞു.
