ചീട്ടുകളി സംഘം പിടിയില്‍

കൽപ്പറ്റ : വീട് കേന്ദ്രീകരിച്ചു ചീട്ടുകളി നടത്തിയ ഒൻപതഅംഗ സംഘത്തെ കൽപ്പറ്റ എസ്‌ഐ എ.യു. ജയപ്രകാശിന്റെ നേതൃത്വത്തിലുള്ള പോലീസ് സംഘം പിടികൂടി . കൽപ്പറ്റ മെസ് ഹൗസ് സ്വദേശികളായ ശിഹാബ് (33), സിദ്ധിഖ് (36 ), മുഹമ്മദ് ഈസ (32), വെയർ ഹൗസ്  സ്വദേശി റുമീസ് (32 ), കാപ്പം കൊല്ലി സ്വദേശി നിഷാൽ (31), കമ്പളക്കാട് സ്വദേശികളായ അസ്‌ലം (30), റഷീദ് (34), വെങ്ങപ്പള്ളി സ്വദേശി സുധീർ (40), കണിയാമ്പറ്റ സ്വദേശി റസാഖ് (31) എന്നിവരാണ് പിടിയിലായത് . ഇവരിൽ നിന്നും73 ,100 രൂപയും പിടിച്ചെടുത്തു . വ്യാഴാഴ്‌ച്ച രാത്രി എട്ടരയോടെ മുട്ടിൽ ഒരു പരിയാരത്തെ ഒരു വീട്ടിൽ നിന്നാണ് ഇവരെ പിടികൂടിയത് . എഎസ്‌ഐ ജയചന്ദ്രൻ , സീനിയർ സിവിൽ പോലീസ് ഓഫീസർമാരായ സലിം കുമാർ , പ്രമോദ് , അബ്ദുൽ റഹ്മാൻ , സിവിൽ പോലീസ് ഓഫീസർ സജീവ് എന്നിവരും പോലീസ് സംഘത്തിലുണ്ടായിരുന്നു .