കുറവിലങ്ങാട്: പതിനഞ്ചാമത് കോട്ടയം റവന്യൂ ജില്ലാ കായികമേള അവസാനിച്ചപ്പോള് 95 ഇനങ്ങളിലായി 216 പോയിന്റുമായി കാഞ്ഞിരപ്പള്ളി ഉപജില്ല ഓവറോള് കിരീടം കരസ്ഥമാക്കി. രണ്ട് മീറ്റ് റിക്കാര്ഡുകളുമായി കാഞ്ഞിരപ്പള്ളി ഉപജില്ലയിലെ കുറുമ്പുനാടം സെന്റ്. പീറ്റേഴ്സിലെ ആകാശ് എം വര്ഗീസ് മേളയിലെ താരമായി. 139 പോയിന്റുമായി ചങ്ങനാശ്ശേരിയും, 78 പോയിന്റുമായി പാലാ വിദ്യാഭ്യാസ ജില്ല മൂന്നാം സ്ഥാനത്തിനും അര്ഹരായി. കോട്ടയം റവന്യൂ ജില്ലയില് നിന്ന് 380 മത്സരാത്ഥികള് സംസ്ഥാന കായികമേളയ്ക്ക് അര്ഹരായി. സ്കൂള് ലവലില് കുറുമ്പനാടം സെന്റ്. പീറ്റേഴ്സ് 80 പോയിന്റും കോരുത്തോട് സി.കെ.എം.എച്ച്.എസ്.എസ് 61 പോയിന്റും പാറത്തോട് ഗ്രേസി മെമ്മോറിയല് സ്കൂള് 53 പോയിന്റുമായി മൂന്നാം സ്ഥാനവും നിലനിര്ത്തി.
23 സ്വര്ണവും 34 വെള്ളിയും 18 വെങ്കലുമായി 247 പോയിന്റോടെയാണു കാഞ്ഞിരപ്പള്ളി കിരീടം ഇക്കുറി ഉറപ്പിച്ചത്. 12 സ്വര്ണവും 15 വെള്ളിയും 16 വെങ്കലും ഉള്പ്പെടെ 142 പോയിന്റോടെ ചങ്ങനാശേരി രണ്ടാം സ്ഥാനത്തും പത്തു സ്വര്ണവും ആറു വെള്ളിയും എട്ടു വെങ്കലവുമുള്പ്പെടട 84 പോയിന്റോടെ പാലാ മൂന്നാം സ്ഥാനത്തുമെത്തി.
സ്കൂള്തലത്തില് ചങ്ങനാശേരി ഉപജില്ലയിലെ കുറുമ്പനാടം സെന്റ് പീറ്റേഴ്സ് സ്കൂള് 82 പോയിന്റ നേടിയാണു ചാമ്പ്യന്മാരായത്. ഒമ്പതു വീതവും സ്വര്ണവും വെള്ളിയും പത്തു വെങ്കലവുമാണ് കുറുമ്പനാടത്തിന്റെ നേട്ടം. 78 പോയിന്റ കോരുത്തോട് സി.കെ.എം. എച്ച്.എസ്.എസ് രണ്ടാം സ്ഥാനത്തും. 69 പോയിന്റ് നേടി പാറത്തോട് ഗ്രേസി മെമ്മോറിയല് സ്കൂള് മൂന്നാം സ്ഥാനത്തും എത്തി.
പതിമൂന്ന് ഉപജില്ലകളിലായി രണ്ടായിരത്തി അഞ്ഞൂറ് കായികപ്രതിഭകള് മാറ്റുരച്ച മേളയില് രണ്ടു മീറ്റ് റെക്കോര്ഡുകളും പിറന്നു. കുറുമ്പനാടം സെന്റ് പീറ്റേഴ്സിലെ ആകാശ് എം. വര്ഗീസ് ലോങ്ങ് ജമ്പിലും ട്രിപ്പിള് ജമ്പിലുമാണ് റെക്കോര്ഡിട്ടത്. സമാപന ദിവസമായ ഇന്നലെ നടന്ന 100 മീറ്ററില് വിജയികളായി കുറുമ്പനാടം സെന്റ് പീറ്റേഴ്സിന്റെ കെ.വി. ദീപക്കും ഭരണങ്ങാനം സെന്റ് മേരീസിലെ അഞ്്ജലി തോമസും വേഗരാജാവും വേഗറാണിയുമായി. വൈകുന്നേരം നടന്ന സമാപന സമ്മേളനത്തില് ജില്ലാ പഞ്ചായത്ത് വൈസ് പ്രസിഡന്റ് മേരി സെബാസ്റ്റ്യന് അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് സമ്മാനങ്ങള് വിതരണം ചെയ്തു.
പ്രതികരിക്കാൻ ഇവിടെ എഴുതുക: