ശബരിമല: ദേവസ്വം ബോര്ഡ് നിര്മ്മിച്ച എല്പിജി സിലിണ്ടര് ഗോഡൗണ് ദേവസ്വം ബോര്ഡ് മെമ്പര് അജയ് തറയില് ഉദ്ഘാടനം ചെയ്തു. ദേവസ്വം ബോര്ഡിന്റെ സ്ഥലത്ത് 14 ദിവസത്തിനുള്ളിലാണ് ഗോഡൗണ് പണികഴിപ്പിച്ചത്.
1000 സിലിണ്ടറുകള് അതീവ സുരക്ഷയോടെ സൂക്ഷിക്കാന് സൗകര്യമുണ്ടിവിടെ. ശബരിമലയിലെ വ്യാപാര സ്ഥാപനങ്ങളില് ആവശ്യത്തിലധികം സിലിണ്ടറുകള് സൂക്ഷീക്കുന്നത് ഒഴിവാക്കാനാണ് ബോര്ഡ് തന്നെ മുന്കൈ എടുത്ത് ഗോഡൗണ് സ്ഥാപിച്ചത്. ഇനി മുതല് വ്യാപാര സ്ഥാപനങ്ങള്ക്ക് ഈ ഗോഡൗണില് നിന്നും സിലിണ്ടറുകള് ലഭ്യമാകും.
സിലിണ്ടറുകളുടെ മുഴുവന് സംഭരണവും വിതരണവും ബിപിസിഎല്ലിനാണ്. ചടങ്ങില് ഫെസ്റ്റിവല് കണ്ട്രോള് ഓഫീസര് സോമശേഖരന് നായര്, ശബരിമല എക്സിക്യൂട്ടീവ് ഓഫീസര് റ്റി.വി. ശങ്കര്, മരാമത്ത് വിഭാഗം എ.ഇ. ബസന്ത് എന്നിവര് പങ്കെടുത്തു.
