കണ്ണൂര്: അംഗപരിമിതര്ക്ക് വിവിധ ആനുകൂല്യങ്ങള്ക്കാവശ്യമായ മെഡിക്കല് സര്ട്ടിഫിക്കറ്റിനായുള്ള അപേക്ഷകള് ആശുപത്രികളില് കെട്ടിക്കിടക്കുന്നത് മൂലം ഇവര് കടുത്ത ദുരിതം അനുഭവിക്കുന്നു. അംഗപരിമിതരായവര്ക്ക് പെന്ഷന് അടക്കമുള്ള സര്ക്കാര് ആനുകൂല്യങ്ങള് ലഭിക്കണമെങ്കില് അപേക്ഷക്കൊപ്പം മെഡിക്കല് ബോര്ഡിന്റെ സര്ട്ടിഫിക്കറ്റുകളും ഹാജരാക്കണം. കണ്ണൂര് ജില്ലാ ആശുപത്രി, തലശ്ശേരി ജനറല് ആശുപത്രി, തളിപ്പറമ്പ് താലൂക്ക് ആശുപത്രി എന്നിവിടങ്ങളിലായി 2000ത്തോളം അപേക്ഷകളാണ് കെട്ടിക്കിടക്കുന്നത്. ഇതില് 800 ഓളം വരുന്ന മാനസിക വൈകല്യമുളളവര് അപേക്ഷ നല്കിയിട്ട് വര്ഷം ഒന്നു കഴിഞ്ഞു. ബന്ധപ്പെട്ട ആശുപത്രികളിലെ മൂന്നോളം വിദഗ്ദ ഡോക്ടര്മാര് അടങ്ങുന്ന ബോര്ഡ് ആണ് ഈ അപേക്ഷകള് പരിഗണിക്കേണ്ടത്. എന്നാല് ഇത്തരം ബോര്ഡുകള് പല ആശുപത്രികളിലും രൂപീകരിച്ചിട്ടില്ല. രൂപീകരിച്ച സ്ഥലങ്ങളിലാകട്ടെ ബോര്ഡില് സ്ഥാനം പിടിച്ച ഡോക്ടര്മാര് സ്ഥലത്തില്ലാത്തവരാണെന്നും പരാതിയുണ്ട്. അടിയന്തരമായും മെഡിക്കല് സര്ട്ടിഫിക്കറ്റ് നല്കാന് ആവശ്യമായ നടപടികള് സ്വീകരിക്കണമെന്ന് ഡിഫറന്സി ഏബിള്ഡ് പേഴ്സണ്സ് വെല്ഫെയര് ഫെഡറേഷന് ജില്ലാ കമ്മറ്റി അധികൃതരോടാവശ്യപ്പെട്ടു. പി.വി.ഭാസ്കരന് അധ്യക്ഷത വഹിച്ചു.
അപേക്ഷകള് സര്ക്കാര് ആശുപത്രികളില് കെട്ടിക്കിടക്കുന്നത് അംഗപരിമിതര്ക്ക് ദുരിതമാകുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.