കട്ടപ്പന: കട്ടപ്പനയില് ബിഎംഎസ് നേതാവിന് നേരേ ആക്രമണം. ബിഎംഎസ് കട്ടപ്പന മേഖല വൈസ് പ്രസിഡന്റ് ശ്രീകുമാറിനെയാണ് ബസുടമയുടെ നേതൃത്വത്തിലുള്ള ഗുണ്ടാസംഘം ആക്രമിച്ചത്.
കഴിഞ്ഞ ദിവസം വൈകിട്ട് ബസുകളുടെ സമയത്തെ ചൊല്ലിയുള്ള തര്ക്കം പരിഹരിക്കാനുള്ള ചര്ച്ചയ്ക്കായി ശ്രീകുമാര് സ്വകാര്യ ബസ് സ്റ്റാന്റിലെത്തി. ഈസമയത്ത് അല്ഫോണ്സ ബസുടമ ജഗ്ഗി ജോസഫിന്റെ നേതൃത്വത്തിലുള്ള സംഘം ശ്രീകുമാറിനെ ക്രൂരമായി ആക്രമിക്കുകയായിരുന്നു. ആളുകള് ഓടിക്കൂടിയതോടെ അക്രമികള് പിന്വാങ്ങി. പരിക്കേറ്റ ശ്രീകുമാറിനെ കട്ടപ്പനയിലെ സ്വകാര്യ ആശുപത്രിയിലെത്തിച്ചു.
ആശുപത്രിയിലും അക്രമിസംഘമെത്തി ശ്രീകുമാറിനെ മര്ദ്ദിച്ചു. സംഭവത്തില് കട്ടപ്പന പോലീസ് കേസെടുത്തിട്ടുണ്ട്. പ്രതികളെ അറസ്റ്റ് ചെയ്തിട്ടില്ല. ശ്രീകുമാറിനെതിരെയുള്ള അക്രമത്തില് പ്രതിഷേധിച്ച് ബിഎംഎസ് കട്ടപ്പനയില് പ്രകടനം നടത്തി.
