കണ്ണൂര്: ദുബൈയില് റി ചാര്ജ്ജ് കൂപ്പണ് തട്ടിപ്പ് നടത്തി മുങ്ങിയ പ്രതിയെ കണ്ടെത്താന് അധികൃതര് ആവശ്യമായ നടപടി സ്വീകരിക്കണമെന്ന് തട്ടിപ്പിനിരയായവരും ബന്ധുക്കളും പത്രസമ്മേളനത്തില് ആവശ്യപ്പെട്ടു. താമരശ്ശേരിയിലെ വള്ളിക്കെട്ടുമ്മല് ഷാനവാസാണ് ദുബൈയില് നിന്ന് ഇരുപത് കോടി രൂപയോളം പറ്റിച്ച് ഇന്ത്യയിലേക്ക് കടന്നത്. ഇതുമായി ബന്ധപ്പെട്ട് ഷാനവാസിന്റെ ഭാര്യാ സഹോദരന് താമരശ്ശേരി കാരാടി ഫര്ഹാന മന്സിലില് ഫിയാസ് അഹമ്മദിനെ പോലീസ് അറസ്റ്റ് ചെയ്തിരുന്നു. തട്ടിപ്പു നടത്തി ഇന്ത്യയിലേക്ക് മുങ്ങിയ ഷാനവാസിനെതിരെ താമരശ്ശേരി പോലീസ് സ്റ്റേഷനില് പരാതി നല്കിയിരുന്നു. ഇതിന്റെ അടിസ്ഥാനത്തില് എംഎല്എ എ.സി.മൊയിതീന്റെ സാന്നിധ്യത്തില് ചര്ച്ച നടത്തുകയും ചെയ്തിരുന്നു. രണ്ടാഴ്ചക്കകം പണം നല്കാമെന്ന് അന്ന് ഷാനവാസ് ഉറപ്പ് നല്കുകയും ചെയ്തിരുന്നു. എന്നാല് മധ്യസ്ഥ ചര്ച്ചയിലെ ഉറപ്പ് ലംഘിച്ച് ഷാനവാസ് ഒളിവില് പോയതായും ഇവര് ആരോപിക്കുന്നു. ഷാനവാസിനെ കണ്ടെത്താന് ആവശ്യമായ നടപടി സ്വീകരിക്കണമെന്നാവശ്യപ്പെട്ട് മുഖ്യമന്ത്രിയെ നേരിട്ട് കാണാനാണ് ഇവരുടെ നീക്കം. ഷൈന് മാത്യു ശ്രീകണ്ഠപുരം, സജീര് വല്ല്യപ്പള്ളി, അനസ്സ് കല്ല്യാശ്ശേരി, തുടങ്ങിയവര് പത്രസമ്മേളനത്തില് പങ്കെടുത്തു.
റിചാര്ജ് കൂപ്പണ് തട്ടിപ്പ്: പ്രതിയെ കണ്ടെത്താന് നടപടി സ്വീകരിക്കണമെന്ന് ഇരകള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.