കൊച്ചി: ദീപാവലി ദിനത്തില് ബിജെപിയുടെയും പൂര്വ്വസൈനിക പരിഷത്തിന്റെയും ആഭിമുഖ്യത്തില് കൊച്ചി നാവിക ആസ്ഥാനത്തിനു മുമ്പില് ആദരം അര്പ്പ് എ ഗ്രേറ്റ് സല്യൂട്ട് ടു സോള്ജിയേസ് എന്ന പരിപാടി നടന്നു. പൂര്വ്വ സൈനിക സേവ പരിഷത്ത് കമ്മാന്ഡര് മോഹനന് പിള്ള ഉദ്ഘാടനം ചെയ്തു. യുവതലമുറ രാജ്യസ്നേഹം ഉള്കൊണ്ട് പ്രവര്ത്തിക്കണമെന്നും രാജ്യത്തിന്റെ അഖണ്ഡത കാത്തുസൂക്ഷിക്കാന് പ്രയത്നിക്കുമെന്നും അദ്ദേഹം സൂചിപ്പിച്ചു. പ്രധാനമന്ത്രി നരേന്ദ്ര മോദിയുടെ വിശാലമായ കാഴ്ചപ്പാടും സൈനികര് ഉള്ക്കൊള്ളുന്ന ആത്മവീര്യവും ഒരു ജനതയുടെ തന്നെ വികാരമാണെന്ന് നാം മനസ്സിലാക്കണമെന്ന് അദ്ദേഹം പറഞ്ഞു.
രാവിലെ 10.45ന് വന്ദേമാതരഗാനത്തോടെ ആരംഭിച്ച ചടങ്ങില് ബിജെപി ജനറല് സെക്രട്ടറി കെ.എസ്.ഷൈജു ദീപാവലി സന്ദേശം നല്കി. എറണാകുളം നിയോജകമണ്ഡലം അദ്ധ്യക്ഷന് സി.ജി.രാജഗോപാല് അദ്ധ്യക്ഷത വഹിച്ച ചടങ്ങില് പൂര്വ്വ സൈനിക് പരിഷത്ത് ഭാരവാഹികളായ ക്യാപ്റ്റന് കെ.സുന്ദരന്, ക്യാപ്റ്റന് കെ.പദ്മനാഭന്, മേജര് കെ.പി.ആര്.കുമാര്, സിപിഒ ബാലചന്ദ്രമേനോന്, മണ്ഡലം വൈസ് പ്രസിഡന്റുമാരായ അബിജു സുരേഷ്.ടി, ബാലഗോപാല് ഷേണായ്, പോര്ട്ട് ട്രസ്റ്റ് ട്രസ്റ്റിയും തൃക്കാക്കര മണ്ഡലം പ്രസിഡന്റുമായ എസ്.സജി, ഋഷി പല്പു, മണ്ഡലം ജന.സെക്രട്ടറി ഡി.എസ്.സുരേഷ്കുമാര്, പി.ജി.മനോജ്കുമാര്, പി.എല്.ആനന്ദ്, രാജീവന്, തുളസീദാസ്.ടി, ടി.എസ്.രാജന് എന്നിവര് നേതൃത്വം നല്കി. തുടര്ന്ന് മധുരം വിതരണം െ
