കൊച്ചി: വിചാരണ നേരിടുന്ന പി. ജയരാജനെ കണ്ണൂര് സെന്ട്രല് ജയില് ഉപദേശക സമിതിയിലേക്ക് നിയമിച്ച സംസ്ഥാന സര്ക്കാരിന്റെ നടപടി നിയമവിരുദ്ധമാണെന്നും തത്സ്ഥാനത്തുനിന്ന് മാറ്റിനിര്ത്തണമെന്നും വിശ്വഹിന്ദു പരിഷത്ത് സംസ്ഥാന പ്രചാര് പ്രമുഖ് എന്.ആര്. സുധാകരന് ആവശ്യപ്പെട്ടു.
ജയില് ഉപദേശകസമിതി അംഗം എന്ന നിലയില് തുടര്ച്ചയായി ജയില് സന്ദര്ശിക്കാനും, രാഷ്ട്രീയ ഇടപെടലുകള് നടത്താനും ജയരാജന് സാധിക്കും എന്നത് ജയിലില് പലതരത്തിലുമുള്ള പ്രശ്നങ്ങള്ക്കും കാരണമാകും.
ജില്ലാ സെക്ഷന് ജഡ്ജി അംഗമായ സമിതിയിലേക്കാണ് സിപിഎം ജില്ലാസെക്രട്ടറിയായ പി. ജയരാജന്റെ അനൗദ്യോഗിക നിയമനം നടത്തിയിരിക്കുന്നത്. സിപിഎം തടവുകാര്ക്ക് ആവശ്യമായ സൗകര്യങ്ങള് ചെയ്തു കൊടുക്കുവാനും മറ്റ് രാഷ്ട്രീയ തടവുകാര്ക്ക് പലതരത്തിലുമുള്ള ബുദ്ധിമുട്ടുകള് അനുഭവിക്കേണ്ടിവരും എന്നതിനാലും പി. ജയരാജനെ തത്സ്ഥാനത്തു തുടരുവാന് അനുവദിക്കുന്നത് ചട്ടവിരുദ്ധമായ നടപടിയാണ്. പി. ജയരാജനെ ഉപദേശികസമിതിയില് നിശ്ചയിച്ചതിനു പിന്നില് സിപിഎമ്മിന്റെ ഗൂഢാലോചനയുടെ ഭാഗമാണെന്നും സുധാകരന് കുറ്റപ്പെടുത്തി.
