കോഴിക്കോട്: ക്ഷേത്രനവീകരണം പുതിയ നവോത്ഥാനത്തിന്റെ ലക്ഷ്ണമാണെന്ന് ചരിത്രകാരന് ഡോ.എം.ജി.എസ്.നാരായണന് അഭിപ്രായപ്പെട്ടു. ശ്രീകൊക്കോഴിക്കോട് മഹാശിവക്ഷേത്രത്തില് നടക്കുന്ന കര്പ്പൂരാദി നവീകരണ കലശത്തിന്റെ ബ്രോഷര് പ്രകാശനം ചെയ്തശേഷം സംസാരിക്കുകയായിരുന്നു അദ്ദേഹം. ക്ഷേത്രത്തിന്റെ ഐശ്വര്യം അത് നില്ക്കുന്ന പ്രദേശത്തെ ഭക്തരുടെ ഐശ്വര്യത്തിനും കാരണമാകുന്നു. ക്ഷേത്രങ്ങള് ആരാധനാകേന്ദ്രങ്ങള് മാത്രമായിരുന്നില്ല. കലാ സാംസ്കാരിക കേന്ദ്രങ്ങള് കൂടിയായിരുന്നു ക്ഷേത്രങ്ങള്. ശില്പവിദ്യ, ചിത്രരചന, നൃത്തം, വിദ്യാഭ്യാസം, സംഗീതം എന്നിവയുടെയെല്ലാം കേന്ദ്രങ്ങളായി വര്ത്തിച്ചത് ക്ഷേത്രങ്ങളായിരുന്നുവെന്നും അദ്ദേഹം കൂട്ടിച്ചേര്ത്തു.
കാലിക്കറ്റ് ടെക്സ്റ്റയില്സ് എംഡി പി.പി. മുകുന്ദന് ബ്രോഷര് ഏറ്റുവാങ്ങി. കൊക്കോഴിക്കോട് ശിവക്ഷേത്രത്തിന്റെ വെബ്സൈറ്റ് ഉദ്ഘാടനം മാളികപ്പുറം മുന് മേല്ശാന്തി മനോജ് എമ്പ്രാന്തിരി നിര്വ്വഹിച്ചു. ടി.വി. കൃഷ്ണയ്യര് ആദ്യ സംഭാവന കലശകമ്മിറ്റി ചെയര്മാന് കൃഷ്ണാനന്ദ കമ്മത്തിന് നല്കി. ഭണ്ഡാരവിതരണ ഉദ്ഘാടനം മാതൃഭൂമി മാനേജിംഗ് എഡിറ്റര് പി.വി. ചന്ദ്രന്, വി. ഉണ്ണികൃഷ്ണന് ഏറാടിക്ക് നല്കി നിര്വ്വഹിച്ചു.
കലശകമ്മിറ്റി ചെയര്മാന് കൃഷ്ണാനന്ദ കമ്മത്ത് അധ്യക്ഷത വഹിച്ചു. പ്രസിഡന്റ് എ.പി. ഉണ്ണികൃഷ്ണമേനോന് വിശദീകരണം നല്കി. ക്ഷേത്രം തന്ത്രി ചേന്നാസ് ശങ്കരനാരായണന് നമ്പൂതിരി, കോട്ടക്കല് കോവിലകം വലിയതമ്പുരാട്ടി അനുജത്തി തമ്പുരാട്ടി തുടങ്ങിയവര് നിലവിളക്ക് തെളിയിച്ചു. കോഴിക്കോട് നാരായണന്നായര്, ബാബുസാമി, പി.കെ. കൃഷ്ണനുണ്ണിരാജ, അഭിലാഷ് ശങ്കര് തുടങ്ങിയവര് ആശംസനേര്ന്നു.
ക്ഷേത്രസമിതി സെക്രട്ടറി സജീവ് സ്വാഗതവും പിആര്ഒ പി. എം. ഉണ്ണികൃഷ്ണന് നന്ദിയും പറഞ്ഞു. 2017 ജൂണ് 28 മുതല് ജൂലൈ 8 വരെയാണ് കര്പ്പൂരാദി നവീകരണകലശം നടക്കുന്നത്.
