ഇരിമ്പിളിയം: കേരളത്തിലെ പ്രത്യേകിച്ച് കണ്ണൂരിലെ അക്രമങ്ങള് തടയാന് മുഖ്യമന്ത്രി പിണറായി വിജയന് മുന്കൈയെടുക്കണമെന്ന് ബിജെപി സംസ്ഥാന ജനറല് സെക്രട്ടറി എം.ടി.രമേശ് ആവശ്യപ്പെട്ടു. ഇരിമ്പിളിയം പഞ്ചായത്ത് കമ്മറ്റി സംഘടിപ്പിച്ച ഏകദിന പഠനക്ലാസും പൊതുയോഗവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നാലുമാസം കൊണ്ട് സംസ്ഥാന സര്ക്കാര് കുടുംബസര്ക്കാരായി മാറിയിരിക്കുകയാണ്. എല്ലാവകുപ്പിലും ബന്ധുക്കളെ കുത്തിനിറച്ച് അഴിമതിയുടെ പര്യായമായി മാറിയിരിക്കുകയാണ് പിണറായി സര്ക്കാര്. അദ്ദേഹം കൂട്ടിച്ചേര്ത്തു.
വിവിധ പാര്ട്ടികളില് നിന്നും രാജിവെച്ച് ബിജെപിയില് ചേര്ന്നവര്ക്ക് സ്വീകരണം നല്കി. കൂടാതെ ആദ്യകാല പ്രവര്ത്തകരെ ചടങ്ങില് ആദരിച്ചു.
പഞ്ചായത്ത് കമ്മറ്റി പ്രസിഡന്റ് എം.ഹരികൃഷ്ണന് അദ്ധ്യക്ഷത വഹിച്ചു. സംസ്ഥാന സമിതിയംഗം വി.ഉണ്ണികൃഷ്ണന്, മണ്ഡലം പ്രസിഡന്റ് രാജേന്ദ്രന്, സെക്രട്ടറി സജീഷ്, ജയകുമാര്, സുരേഷ് പാറത്തൊടി, പി.പി.ഗണേശന്, കെ.ടി.അനില്കുമാര്, അയ്യപ്പന്, ശിവദാസന്, വാസു, രാജേഷ് എന്നിവര് സംസാരിച്ചു.
