ജനാധിപത്യ ശീലങ്ങളും നിര്വചനങ്ങളും ഒരുവിഭാഗം ബുദ്ധിജീവികള് തീരുമാനിച്ചുകൊണ്ടേയിരിക്കുന്നു. സക്കറിയ, കെ.പി.രാമനുണ്ണി, ബി.ആര്പി.ഭാസ്ക്കര്, കെഇഎന് ഇങ്ങനെ ചിലരാണ് ഈ മുന്നണിയുടെ പടനായകര്. ഭൂരിപക്ഷത്തിന്റെ ഏകാധിപത്യമില്ല ജനാധിപത്യമെന്ന് അവര് ആണയിടുന്നു. ഫലത്തില് തങ്ങള് കൂടി ഉള്പ്പെടുന്ന ന്യൂനപക്ഷത്തിന്റെ ഏകാധിപത്യം സാധിച്ചെടുക്കുന്നതില് അവര് വിജയിക്കുന്നു. ഭൂരിപക്ഷം എന്നത് അവര്ക്ക് മതഭൂരിപക്ഷം ആണ്. തങ്ങള് മതന്യൂനപക്ഷ പക്ഷപാതികളാണെന്ന വാസ്തവം മറച്ചുപിടിച്ച് മതേതരവാദ ചമയം തേച്ചുപിടിപ്പിക്കുന്നു.
വിലയ്ക്കെടുക്കപ്പെടുന്ന ബുദ്ധിജീവികളുടെ സര്വാധിപത്യത്തെ നമുക്ക് സാംസ്കാരിക ഗുണ്ടായിസം എന്നുവിളിക്കാം. അഭിപ്രായ രൂപവത്കരണത്തിന്റെ നായകത്വം വഹിക്കുന്ന ഇവരുടെ പിന്നില് കൃത്യമായ അജണ്ട ഉള്ള ശക്തമായ സാമുദായിക, സാമ്പത്തിക ഗ്രൂപ്പുകള് ഉണ്ടാകും. ഫാസിസത്തിന്റെ ലക്ഷണങ്ങളെ നിരന്തരം നിര്വചിക്കുമ്പോള്തന്നെ മതതീവ്രവാദത്തെ പ്രോത്സാഹിപ്പിക്കുകയും ചെയ്യുന്നത് രാജ്യദ്രോഹികളുടെ അച്ചാരം വാങ്ങിപണിയുന്ന ബൗദ്ധിക ഫാസിസമാണ്.
ആയിരക്കണക്കിന് കുടുംബങ്ങളെ നിരാലംബരാക്കിയ, നിരപരാധികളെ കൊന്നൊടുക്കിയ കൊടുംകുറ്റവാളി തൂക്കിലേറ്റുമ്പോള് മനുഷ്യാവകാശത്തിന്റെ ആനമയിലൊട്ടകം കളിക്കുന്നു. പശുവിനെ കൊന്നാലെന്താ, കറവ വറ്റിയ പശുവിനെ പോറ്റുന്നത് ഭാരമല്ലേ എന്നു ചോദിക്കുന്നു. ഈ ചോദ്യം സുഖമുള്ള ഒന്നായി മാറുമ്പോള് പ്രായമായ അമ്മയും അച്ഛനും ഗാന്ധിഭവനിലേക്ക് വടി കുത്തുന്നത് ഒരു സൗകര്യമാകും. കൃഷിയും കന്നുകാലികളും പരസ്പര പൂരകമാണ്. ജന്തുസ്നേഹികളും മൃഗബലിക്കെതിരെ പ്രതിഷേധിക്കുന്നവരുംതന്നെയാണ് ബീഫ് ഫെസ്റ്റിവല് നടത്തുന്നത്. രാജ്യം മുഴുവന് ബീഫ് ഫെസ്റ്റിവല് നടത്താന് എത്ര കന്നുകാലികളെ കൊല്ലണം. മുസ്ലിങ്ങള് ഭൂരിപക്ഷമായ പ്രദേശത്ത് പോര്ക്ക് ഫെസ്റ്റിവല് നടത്തിയാല് എന്താകും അവസ്ഥ എന്ന് സുഗതകുമാരി ടീച്ചര് അഭിപ്രായപ്പെട്ടിരുന്നു.
ഒരുവിഭാഗത്തിന്റെ രാഷ്ട്രീയത്തിനും അഭിപ്രായ മേല്ക്കോയ്മയ്ക്കുംവേണ്ടി മനഃപൂര്വം കുറെ പശുക്കളെ കൊല്ലുന്നു. നമ്മുടെ വീട്ടില് ആരുവരണം ആരുവരണ്ട എന്ന് നമുക്ക് തീരുമാനിക്കാം. ശബരിമല അയ്യപ്പന് മാത്രം അതിന് സ്വാതന്ത്ര്യമില്ല. സ്ത്രീകള്ക്ക് പ്രവേശനമില്ല എന്ന് മിണ്ടിയാല് സ്ത്രീ സ്വാതന്ത്ര്യത്തെ എതിര്ക്കലായി. ഈ സ്വാതന്ത്ര്യവാദികളുടെ വീട്ടില് ചെന്നാല് ലൗബേര്ഡ്സിനെ കൂട്ടിലിട്ടിരിക്കുന്നതും കാണാം. ഭഗവാന് സവര്ണ ഫ്യൂഡല് ആയിപ്പോയതുകൊണ്ട് ക്ഷേത്രചാരം ലംഘിക്കുന്നത് പുരോഗമനമാണ്. കൊന്നുതിന്നുന്ന ഫെസ്റ്റിവലുകള് വാടകയ്ക്കെടുത്ത അഭിപ്രായങ്ങളുടെ അടിച്ചേല്പ്പിക്കലാണ്. ശീര്ഷാസനത്തില് നില്ക്കുന്നത് രക്തചംക്രമണത്തിന് നല്ലതാണ്. പക്ഷേ, സൂര്യനെ കാണാന് അതിന്റെ ആവശ്യമില്ല.
