മറയൂര്: കടുത്ത വെയിലില് മറയൂര് കാന്തല്ലൂര് മേഖലയിലെ പച്ചക്കറി കൃഷികള് കരിഞ്ഞുണങ്ങുമ്പോള് കാര്ഷിക സമൃദ്ധിയുടെ പച്ചപ്പില് നിറഞ്ഞ് നില്ക്കുകയാണ് മറയൂര് കരിമുട്ടിയിലെ വട്ടവയലില് ബാബുവിന്റെ കൃഷിയിടം.
നടന് ശ്രീനിവാന്റെ നിര്ദ്ദേശ പ്രകാരം തികച്ചും ജൈവ രീതിയിലുള്ള കൃഷിയാണ് ഇദ്ദേഹം നടത്തുന്നത്. മറ്റ് മേഖലകളില് കാലാവസ്ഥാ വ്യതിയാനം മൂലം ഉല്പ്പാദനത്തില് വന് കുറവുള്ളപ്പോള് ബാബുവിന്റെ തോട്ടത്തില് ഇരട്ടി വിളവാണ് ലഭിക്കുന്നത്. കഴിഞ്ഞ വര്ഷം മുതലാണ്്
ബാബു ജൈവ പച്ചക്കറി കൃഷിയിലേയ്ക്ക് തിരിഞ്ഞത്. ഒരുവര്ഷം മുമ്പ് നടന് ശ്രീനിവാസന് ഇദ്ദേഹത്തിന്റെ കൃഷിയിടം നേരിട്ടെത്തി സന്ദര്ശിക്കുകയും തുടര് കൃഷി ആരംഭിക്കുന്നതിന് വേണ്ട നിര്ദ്ദേശങ്ങളും സഹായങ്ങളും നല്കുകയായിരുന്നു. ക്യാരറ്റ്, കാബേജ്, ബ്രോക്കാളി, റാഡിഷ്, ഉരുളക്കിഴങ്ങ്, ഇഞ്ചി, തുടങ്ങിയ എല്ലാവിധ പച്ചകറികളും രണ്ടേക്കറോളം വരുന്ന സ്ഥലത്താണ് കൃഷിയിറക്കിയിരിക്കുന്നത്. കീട പ്രതിരോധത്തിനായി ഗോമൂത്രവും പുകയില കഷായുവുമാണ് ഉപയോഗിക്കുന്നത്. നിലവില് കാലാവസ്ഥ വ്യതിയാനം മറയൂരിലെ കാര്ഷിക മേഖലയെ പ്രതികൂലമായി ബാധിക്കുന്നുണ്ടെങ്കിലും ഇത് ഇദ്ദേഹത്തിന്റെ കൃഷിയെ ഒട്ടും തന്നെ ബാധിച്ചിട്ടില്ല.
ദൂരെ സ്ഥലങ്ങളില് നിന്നും വാഹനത്തിലക്കം വെള്ളമെത്തിച്ചാണ് ഇദ്ദേഹം കൃഷി പരിപാലനം നടത്തുന്നത്. തികച്ചും ജൈവ രീതിയില് കൃഷി ഇറക്കിയാല് നൂറ്മേനി വിളവെടുക്കുവാന് കഴിയുമെന്ന് ഇദ്ദേഹം പറയുന്നു. മറ്റുള്ള കര്ഷകരും ഇത്തരത്തില് ജൈവ കൃഷിയിലേക്ക് തിരിയുകയാണെങ്കില് രോഗമുള്ള തലമുറയ്ക്ക് വേണ്ടി വിഷമുക്തമായ പച്ചക്കറികള് മികച്ച രീതിയില് കുറഞ്ഞ ചിലവില് ഉല്പ്പാദിപ്പിക്കുവാനും കഴിയുമെന്നും ഇദ്ദേഹം അഭിപ്രായപ്പെട്ടു. വിളവെടുക്കുന്ന ഉല്പ്പന്നങ്ങള് എറണാകുളത്ത് ജൈവ പച്ചക്കറികള് മാത്രം വിറ്റഴിക്കുന്ന കടയില് എത്തിച്ച് നല്കുകയാണ് ചെയ്യുന്നത്. മുമ്പ് ഇതോടൊപ്പം തന്നെ വാഴയും കൃഷി ചെയ്തിരുന്നതാണ് എന്നാല് വാഴ കൃഷിയിലേക്ക് കാട്ടനകള് വ്യാപകമായി എത്തിയതോടെയാണ് ഇത് അവസാനിപ്പിച്ച് കൂടുതല് പച്ചക്കറി കൃഷിയിലേക്ക് തിരി
ഞ്ഞത്.
