പാലാ: രാജ്യത്തെ ഏറ്റവും മികച്ച പ്രാഥമിക സഹകരണ ബാങ്ക് പ്രസിഡന്റിന് ബാങ്കിംഗ് ഫ്രോണ്ടിയേഴ്‌സ് ഏര്‍പ്പെടുത്തിയ ദേശീയ പുരസ്‌കാരം നേടിയ ഫിലിപ്പ് കുഴികുളത്തിനെ വലവൂര്‍ സഹകരണ ബാങ്ക് ഭരണസമിതിയും ജീവനക്കാരും ചേര്‍ന്ന് അനുമോദിക്കുന്നു.
കഴിഞ്ഞ 30 വര്‍ഷമായി സഹകരണ മേഖലയില്‍ പ്രവര്‍ത്തിക്കുന്ന അദ്ദേഹം വലവൂര്‍ സഹകരണ ബാങ്ക് പ്രസിഡന്റ്, കോട്ടയം ജില്ല സഹകരണ ബാങ്ക് പ്രസിഡന്റ് എന്നീ നിലകളില്‍ പ്രവര്‍ത്തിക്കുകയാണ്. മികച്ച സഹകാരിയെന്ന നിലയില്‍ രണ്ട് ദേശീയ പുരസ്‌കാരങ്ങളും നിരവധി മറ്റ് പുരസ്‌കാരങ്ങളും ലഭിച്ചിട്ടുണ്ട്.
നെല്ലിയാനി ലയണ്‍സ് ക്ലബ്ബ് ഹാളില്‍ 7ന് വൈകിട്ട് 7 മണിക്ക് നടക്കുന്ന സമ്മേളനം കെ.എം. മാണി എംഎല്‍എ ഉദ്ഘാടനം ചെയ്യും. പി.ജെ. ജോസഫ് എംഎല്‍എ അദ്ധ്യക്ഷത വഹിക്കും. എംപിമാരായ ജോസ് കെ.മാണി, ജോയി എബ്രഹാം എന്നിവര്‍ പുരസ്‌കാര ജേതാവിനെ ആദരിക്കും. സി.എഫ്. തോമസ് എംഎല്‍എ മുഖ്യപ്രഭാഷണം നടത്തും.
എംഎല്‍എ മാരായ റോഷി അഗസ്റ്റിന്‍, മോന്‍സ് ജോസഫ്, എന്‍. ജയരാജ്, നഗരസഭാദ്ധ്യക്ഷ ലീന സണ്ണി, എന്‍എസ്എസ് മീനച്ചില്‍ താലൂക്ക് യൂണിയന്‍ പ്രസിഡന്റ് സി.പി. ചന്ദ്രന്‍ നായര്‍, എസ്എന്‍ഡിപി മീനച്ചില്‍ യൂണിയന്‍ കണ്‍വീനര്‍ അഡ്വ. കെ.എം. സന്തോഷ് കുമാര്‍ തുടങ്ങിയവര്‍ പ്രസംഗിക്കും.
