നറുകര: നറുമധുര ഭഗവതി ക്ഷേത്രത്തിലെ ആറാമത് ശ്രീദുര്‍ഗ്ഗാ നവരാത്രി സംഗീതോത്സവത്തിന് തുടക്കമായി. സംഗീത വിദ്വാന്‍ ഹരിപ്പാട് കെ.പി.എന്‍.പിള്ള ഉദ്ഘാടനം ചെയ്തു.
സംഗീത പഠനം അവാര്‍ഡുകള്‍ക്ക് വേണ്ടിയാക്കരുത് മറിച്ച് സംഗീതത്തെ അറിയുവാന്‍ വേണ്ടിയാകണമെന്ന് അദ്ദേഹം പറഞ്ഞു. ചലച്ചിത്രതാരം അനിഘ സുരേന്ദ്രന്‍ വിശിഷ്ടാതിഥിയായിരുന്നു. സംഘാടക സമിതി പ്രസിഡന്റ് കെ.കെ.പുഷ്പജ അദ്ധ്യക്ഷത വഹിച്ചു. സോമരാജ്, ദേവരാജന്‍ നമ്പൂതിരി, പ്രശാന്ത് കുമാര്‍, കൃഷ്ണപ്രസാദ്, വിജയകുമാര്‍, സോമന്‍, സുനിത ടീച്ചര്‍, മോഹനകൃഷ്ണന്‍, ശൈലജ എന്നിവര്‍ സംസാരിച്ചു.
തുടര്‍ന്ന് ഹരിപ്പാട് കെ.പി.എന്‍.പിള്ളയുടെ സംഗീതകച്ചേരിയും, ശാസ്ത്രീയ നൃത്തങ്ങളും അരങ്ങേറി. ജില്ലയില്‍ വിവിധ ഭാഗങ്ങളില്‍ നിന്നും നിരവധി കലാകാരന്മാര്‍ പരിപാടിയില്‍ പങ്കെടുത്തു. ഉണ്ണികൃഷ്ണ വാരിയര്‍ സ്വാഗതവും വൈസ് പ്രസിഡന്റ് എന്‍.സുകുമാരന്‍ നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: