പൊന്‍കുന്നം: ഗാന്ധി ജയന്തി ദിനത്തില്‍ ബിജെപി ചിറക്കടവ് നോര്‍ത്ത് പഞ്ചായത്ത് കമ്മിറ്റിയുടെ സ്വച്ഛ് ഭാരത് പരിപാടിയുടെ ഭാഗമായി കാഞ്ഞിരപ്പള്ളി കോടതിയും പരിസരവും വൃത്തിയാക്കി. പ്രസിഡന്റ് ജി.ഹരിലാല്‍ പരിപാടി ഉദ്ഘാടനം ചെയ്തു മണ്ഡലം വൈസ് പ്രസിഡന്റ് വിജു മണക്കാട്, പഞ്ചായത്ത് ജനറല്‍ സെക്രട്ടറി എം. ജി. വിനോദ്, എന്‍. ആര്‍. മോഹനന്‍, പി .ആര്‍. ദാസ്, രാഹുല്‍ ചന്ദ്രാലയം, എ. ഷിബു, പി. ആര്‍. ഗോപന്‍ എന്നിവര്‍ നേതൃത്വം നല്‍കി.
ചെറുവള്ളി: ചിറക്കടവ് സൗത്ത് പഞ്ചായത്ത് കമ്മിറ്റിയുടെ നേതൃത്വത്തില്‍ ഗാന്ധി ജയന്തി ദിനത്തില്‍ സ്വച്ഛ് ഭാരത് ആചരിച്ചു. ചെറുവള്ളി കുടുംബക്ഷേമ കേന്ദ്രം വൃത്തിയാക്കി. പഞ്ചായത്ത് കമ്മിറ്റി പ്രസിഡണ്ട് വി. ആര്‍. രഞ്ജിത്ത് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം ജയ ടീച്ചര്‍ ഉദ്ഘാടനം നിര്‍വ്വഹിച്ചു.
ജില്ലാ ട്രഷറര്‍ കെ. ജി. കണ്ണന്‍ മുഖ്യപ്രഭാഷണം നടത്തി.
യുവമോര്‍ച്ച ജില്ലാ ജനറല്‍ സെക്രട്ടറി വൈശാഖ് എസ് നായര്‍, മണ്ഡലം സെക്രട്ടറി രാജേഷ് കര്‍ത്താ, മഹിളാ മോര്‍ച്ച ജില്ലാ സെക്രട്ടറി ഉഷാ രാധാകൃഷ്ണന്‍, വാര്‍ഡ് മെമ്പര്‍ രാജി ടീച്ചര്‍, ഗോപി പാറാംതോട്. അഭിലാഷ് ബാബു, ശശിധരന്‍ നായര്‍, ഹരി കാരംതാനം, ഗോപാലകൃഷ്ണന്‍ നായര്‍ തുടങ്ങിയവര്‍ സംസാരിച്ചു.
പനമറ്റം: വെളിയന്നൂര്‍ ദേശാഭിമാനി വായനശാലയുടെയും അംഗന്‍വാടിയുടെയും പരിസരം ഗാന്ധിജയന്തിയാഘോഷത്തിന്റെ ഭാഗമായി ശുചീകരിച്ചു. ഗാന്ധിസ്മൃതി സമ്മേളത്തില്‍ വായനശാലാ പ്രസിഡന്റ് കെ.എന്‍. രാധാകൃഷ്ണപിള്ള അധ്യക്ഷത വഹിച്ചു. എലിക്കുളം ഗ്രാമപഞ്ചായത്തംഗം ശ്രീജാ സരീഷ് ഉദ്ഘാടനം ചെയ്തു. വായനശാലയും പരിസരവും ശുചീകരിക്കുകയും ചെടികള്‍ നട്ടുപിടിപ്പിക്കുകയും ചെയ്തു. ഈ ഒരാഴ്ച ശുചീകരണം, ജൈവപച്ചക്കറി-വാഴ കൃഷി മുതലായവയും വിവിധ സേവനപ്രവര്‍ത്തനങ്ങളും നടക്കും.
കുറുവാമൊഴി: ഗാന്ധിജയന്തി ിനത്തില്‍ ബിജെപി കൊരട്ടി ബൂത്ത് കമ്മറ്റിയുടെ നേതൃത്വത്തില്‍ ശൂചീകരണ പ്രവര്‍ത്തനം നടത്തി. കൂവപ്പള്ളി ടെക്‌നിക്കല്‍ സ്‌കൂള്‍ പരിസരവും കുറുവാമൊഴിയിലെ പൊതുകിണറും വൃത്തിയാക്കി. സംസ്ഥാനകമ്മറ്റിയംഗം അഡ്വ. നോബിള്‍മാത്യു ഉദ്ഘാടനം ചെയ്തു. പഞ്ചായത്ത് കമ്മറ്റിയംഗം സി.ബി. മോഹനന്‍, സന്തോഷ് ഈട്ടിക്കല്‍, റ്റി.കെ ഷാജി, ജിതിന്‍ റ്റി.റ്റി, വൈശാഖ് എന്നിവര്‍ നേതൃത്വം നല്‍കി.
രാമപുരം: സ്വഛ്ഭാരത് പദ്ധതിഭാഗമായി ഗാന്ധിജയന്തി ദിനത്തില്‍ രാമപുരം ഗ്രാമപഞ്ചായത്ത് ശുചീകരണ പ്രവര്‍ത്തനങ്ങ ള്‍ നടത്തി. സ്‌പെഷ്യല്‍ ഗ്രാമസഭ ചേര്‍ന്നു. ശുചിത്വം, കുടിവെള്ളം എന്നിവയ്‌ക്ക് പ്രാധാന്യം നല്‍കി പദ്ധതികള്‍ക്ക് രൂപംനല്‍കി. രാമപുരം ആശുപത്രി പരിസരവും, പഞ്ചായത്ത് പരിസരം ജനപ്രതിനിധികളുടെയും നാട്ടുകാരുടെയും സഹകരണത്തോടെ വൃത്തിയാക്കി. 15 ദിവസംകൊണ്ട് മുഴുവന്‍ വാര്‍ഡുകളിലും ശുചീകരണം പൂര്‍ത്തിയാക്കുവാനും തീരുമാനമെടുത്തു. ഗ്രാമപഞ്ചായത്ത് പ്രസിഡ ന്റ് ബൈജു ജോണ്‍ അദ്ധ്യക്ഷത വഹിച്ചു. ജില്ലാപഞ്ചായത്ത് മെമ്പര്‍ അനിതരാജു, ബ്ലോക്ക് പഞ്ചായത്ത് മെമ്പര്‍മാരായ ലിസി ബേബി, കെ.ആര്‍. ശശിന്ദ്രന്‍, വൈസ്പ്രസിഡന്റ് ഷൈനിസന്തോഷ്, ഗ്രാമപഞ്ചായത്ത് മെമ്പര്‍മാരായ മത്തച്ചന്‍ പുതിയിടത്തുചാലില്‍, സെല്ലിജോര്‍ജ്ജ്, എല്‍സമ്മ ചെറിയാന്‍, മിനിസണ്ണി, അരുണ്‍ ബേബി, ടൈറ്റസ്മാത്യു, മിനിശശി, ജീനസ്‌നാഥ്, സോണിജോണി, സുരേന്ദ്രന്‍, ജാന്‍സി ഫിലിപ്പോസ് തുടങ്ങിയവര്‍ പ്രസംഗിച്ചു.
തലപ്പുലം: യുവകേസരി ചാരിറ്റബിള്‍ സൊസൈറ്റി സ്വച്ഛ്ഭാരത്തിന്റെ ഭാഗമായി ഗാന്ധിജയന്തിദിനത്തില്‍ തെള്ളിയാമറ്റം ഓലായംകടുവാമുഴി റോഡിന്റെ ഇരുവശവും ശുചീകരണ പ്രവര്‍ത്തനങ്ങള്‍ നടത്തി. പ്രസിഡന്റ് സതീഷ് ചന്ദ്രനാഥ്, സെക്രട്ടറി ജിജു, ട്രഷറര്‍ ആദര്‍ശ്, അരുണ്‍ ജി. കൊട്ടാരം, ചന്ദ്രന്‍ പി. കെ., ഗിരീഷ് ബി. നായര്‍ തുടങ്ങിയവര്‍ നേതൃത്വം നല്‍കി.
