കോഴിക്കോട്: ബാങ്കിംഗ് ഇതര പ്രവര്ത്തനങ്ങളില് സമാനതകളില്ലാത്ത നേട്ടങ്ങളുമായി കൊടിയത്തൂര് സര്വീസ് സഹകരണ ബാങ്ക് കൃഷി ഭൂമിയിലേക്ക്. കാര്ഷിക അനുബന്ധ മേഖലയില് ദീര്ഘകാലാടിസ്ഥാനത്തില് നടപ്പാക്കുന്ന ‘സുരക്ഷിത 2030’ എന്ന 22 കോടി അടങ്കല് ഉള്ള പ്രൊജക്ടിനുവേണ്ടി അഞ്ച് ഏക്കര് സ്ഥലം ചാത്തമംഗലം ഗ്രാമപഞ്ചായത്തില് ബാങ്ക് വാങ്ങിയിട്ടുണ്ട്.
പാല്, പച്ചക്കറി, പഴവര്ഗ്ഗങ്ങള്, കിഴങ്ങ് വര്ഗ്ഗങ്ങള്, മുട്ട തുടങ്ങിയ മേഖലകളില് ഉല്പാദനം മുതല് വിപണനം വരെയുള്ള പ്രവര്ത്തനം ഏറ്റെടുത്ത് കര്ഷകര്ക്ക് ന്യായവിലയും വിപണിയും ഉറപ്പുവരുത്തുകയും ഉപഭോക്താക്കള്ക്ക് സുരക്ഷിത ഭക്ഷണം ലഭ്യമാക്കുകയും ചെയ്യുകയാണ് പ്രൊജക്ടിലൂടെ ലക്ഷ്യം വെക്കുന്നത്. ഇതോടൊപ്പം ഫാം കം ഹെല്ത്ത് ടൂറിസം, സേവനപദ്ധതികള് തുടങ്ങിയവയും പ്രൊജക്ടിലൂടെ വിഭാവനം ചെയ്യുന്നു.
ക്ഷീരവികസന വകുപ്പ്, കൃഷി വകുപ്പ്, നബാര്ഡ് തുടങ്ങിയവയുമായി സഹകരിച്ച് പദ്ധതികള് നടപ്പിലാക്കാനാണ് ഉദ്ദേശിക്കുന്നത്.
പ്രൊജക്ടിന് അന്തിമരൂപം നല്കാനായി നബാര്ഡ്, വിവിധ വകുപ്പുകള്, ജനപ്രതിനിധികള് എന്നിവരുടെ സംയുക്ത യോഗം ജില്ലാ പഞ്ചായത്ത് കാര്യാലയത്തില് ചേര്ന്നു.
യോഗത്തില് ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി അധ്യക്ഷത വഹിച്ചു. കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് രമ്യ ഹരിദാസ്, നബാര്ഡ് ഡി.ഡി.എം. ജെയിംസ് പി. ജോര്ജ്, ഡയറി ഡെവലപ്മെന്റ് ഡെപ്യൂട്ടി ഡയറക്ടര് ശോഭന എം, ഡെപ്യൂട്ടി ഡയറക്ടര് ഓഫ് ഹോള്ട്ടികള്ച്ചര് ഗീത ടി., കൃഷി വിജ്ഞാന് കേന്ദ്ര പ്രോഗ്രാം കോ-ഓര്ഡിനേറ്റര് പി. രാധാകൃഷ്ണന്, മൃഗസംരക്ഷ വകുപ്പ് ഡെപ്യൂട്ടി ഡയറക്ടര് ഡോ. എ.സി. മോഹന്ദാസ്, ജില്ലാ മൃഗസംരക്ഷണ വകുപ്പ് ഓഫീസര് ഡോ. യു.എസ്. രാമചന്ദ്രന്, ഫിഷറീസ് ഡെപ്യൂട്ടി ഡയറക്ടര്മാരായ കെ. ബൈജു, ടി.എം. മറിയം ഹസീന ഡിസ്ട്രിക്ട് ഇന്ഡസ്ട്രിയല് സെന്ട്രല് ഓഫീസര്മാരായ ടി.വി. സുഹൈബ്, ആനന്ദ്കുമാര്. കെ.ടി., ബാങ്ക് ഡയറക്ടര്മാര് എന്നിവര് പങ്കെടുത്തു. ഡയറി ഡെവലപ്പ്മെന്റ് ട്രെയിനിംഗ് സെന്റര് പ്രിന്സിപ്പല് എം. പ്രകാശ് പദ്ധതി വിശദീകരിച്ചു. ബാങ്ക് പ്രസിഡണ്ട് ഇ. രമേശ്ബാബു സ്വാഗതവും, സെക്രട്ടറി കെ. ബാബുരാജ് നന്ദിയും പറഞ്ഞു.
