വാസന്തിയും മകന് ഗോപീകൃഷ്ണനും
ചേര്ത്തല: മാനസിക വെല്ലുവിളി നേരിടുന്ന ഏകമകന് ബ്രെയിന്ട്യൂമര് കൂടിയായപ്പോള് വിധവയായ വാസന്തിയുടെ ജീവിതം കരകാണാക്കയത്തിലാണ്.
കഞ്ഞിക്കുഴി മൂന്നാം വാര്ഡ് ഗൗരിമന്ദിരത്തില് ഗോപാലകൃഷ്ണ മേനോന്റെ വീട്ടില് വര്ഷങ്ങള്ക്ക് മുമ്പാണ് വാസന്തി മകന് ഗോപികൃഷ്ണനോടൊപ്പം ഇടുക്കി മലയോര മേഖലയില്നിന്ന് ജോലിക്കെത്തിയത്. ഇവിടെ പ്രത്യേകമായി നിര്മ്മിച്ച കൂരയിലാണ് ഇവര് താമസിക്കുന്നത്. മകന് ട്യൂമര് ബാധിച്ചപ്പോള് പരസഹായത്തോടെ മധുര രാജാജി ആശുപത്രിയില് ശസ്ത്രക്രിയ നടത്തുകയും രോഗം ഏകദേശം ഭേദമാവുകയും ചെയ്തു. ജന്മനാ ബുദ്ധിവൈകല്യമുള്ളയാളാണ് 14 വയസുള്ള മകന്. ഇപ്പോഴും ചികിത്സ തുടരുകയാണ്. അനുബന്ധമായി പലവിധ അസുഖങ്ങളും ഗോപികൃഷ്ണനുണ്ട്. ചേര്ത്തലയിലെ സ്വകാര്യ ആശുപത്രിയിലെ ചികിത്സയാണ് ഇപ്പോള്.
വീട്ടുജോലിയില്നിന്നുള്ള പരിമിതമായ വരുമാനമാണ് ഇവര്ക്ക് ആകെയുള്ളത്. സ്വന്തമായി ഭൂമിയോ വീടോ ഇല്ല. അന്വേഷിക്കാനോ സഹായിക്കാനോ ബന്ധുക്കളായി ആരുമില്ല. വാസന്തിയും ശാരീരിക അസ്വസ്ഥതകളില് ഉഴലുകയാണ്. കാര്യമായ ജോലിയൊന്നും ചെയ്യാനാവാത്തതാണ് അവസ്ഥ. ഈ സാഹചര്യത്തില് സുമനസ്സുകളുടെ കാരുണ്യത്തിന് കാക്കുകയാണ് വാസന്തി. കാരുണ്യമതികളുടെ സഹായം സ്വീകരിക്കാന് കാനറ ബാങ്ക് മായിത്തറ ശാഖയില് വാസന്തിയുടെ പേരില് അക്കൗണ്ട് തുറന്നു. നമ്പര്: 1134101065759. ഐഎഫ്എസ്സി കോഡ്: സിഎന്ആര്ബി 0001134.
