പാലക്കാട്: ലോകസമാധാന ദിനത്തില് പാലക്കാട് അടക്കാപുത്തൂര് സ്വദേശിയും ചിത്രകാരനുമായ സുരേഷ് കെ.നായര്ക്ക് നേപ്പാളിലേക്ക് ക്ഷണം. നേപ്പാളിലെ ഹര്നാമാടി ആര്ട്ട് ഫൗണ്ടേഷന് സംഘടിപ്പിക്കുന്ന അന്തര്ദേശീയ ചിത്രകാരന്മാരുടെ ശില്പ്പശാലയില് പങ്കെടുക്കുവാനാണ് ക്ഷണം. അമേരിക്ക,ഫ്രാന്സ്, ബ്രിട്ടണ്,ജപ്പാന്,കൊറിയ,ഫ്രാന്സ്, ബംഗ്ലാദേശ്,നേപ്പാള് എന്നിവിടങ്ങളില് നിന്നുള്ള ചിത്രകാരന്മാരാണ് പങ്കെടുക്കുന്നത്. ആഗസ്റ്റ് 15ന് ഡാന്സിംഗ് പെയിന്റര് എന്നറിയപ്പെടുന്ന സുരേഷ് കെ.നായരെ കാഠ്മണ്ഠുവില് ആദരിച്ചിരുന്നു.ശില്പ്പശാലയുടെ ഭാഗമായി എട്ട് അടി ഉയരത്തിലും 60 അടിവീതിയിലുമായ് നിര്മ്മിക്കുന്ന സമാധാന സ്തൂപത്തില് ലോകത്തിലെയും ഇന്ത്യയിലേയുമായി മുന്നൂറിലധികം ഭാഷകള് ഉപയോഗിക്കുന്നുണ്ട്. വിവിധ ഭാഷകളിലെ അക്ഷരങ്ങള്കൊണ്ട് തീര്ക്കുന്ന സ്തൂപം ചുമര്ചിത്ര രചനാ രീതിയിലാണ് നിര്മ്മിക്കുന്നത്. ഇന്ത്യ-പാക്കിസ്ഥാന് സമാധാനമെന്ന ലക്ഷ്യത്തോടെ വാഗാ അതിര്ത്തിയില് തീര്ത്ത മ്യൂറല് പെയിന്റിംഗ് ഏറെ ശ്രദ്ധപിടിച്ചുപറ്റിയിരുന്നു.
ചിത്രകാരന് സുരേഷ് നായര്ക്ക് നേപ്പാളിലേക്ക് ക്ഷണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.