തുറവൂര്/ കുട്ടനാട്: കുടിവെള്ളം ഓണത്തിന് കിട്ടാതായതോടെ ജനങ്ങള് ദുരിതത്തിലായി. കുട്ടനാടിന്റെ വിവിധ പ്രദേശങ്ങളിലും അരൂര് മണ്ഡലത്തിലുമാണ് ഓണത്തിന് ഒരു തുള്ളി ശുദ്ധജലം നല്കാതെ സര്ക്കാര് ജനങ്ങളെ ബുദ്ധിമുട്ടിച്ചത്. തൈക്കാട്ടുശേരി പാലത്തിലെ പൈപ്പ് പൊട്ടിയതാണ് അരൂരില് ജപ്പാന് ജലവിതരണ പദ്ധതിയുടെ ശുദ്ധജലം മുടങ്ങാന് കാരണം. ഇതു മൂലം അരൂര്, എഴുപുന്ന, കോടംതുരുത്ത്, കുത്തിയതോട്, തുറവൂര്, പട്ടണക്കാട്. വയലാര് എന്നീ ഗ്രാമ പഞ്ചായത്തുകളിലെ ജനങ്ങളാണ് ഓണത്തിന് വലഞ്ഞത്. തൈക്കാട്ടുശേരി പാലത്തിലെ ഈ പൈപ്പ് എട്ടാമത്തെ പ്രാവശ്യമാണ് പൊട്ടിയ തെന്ന് നാട്ടുകാര് പറയുന്നു. നിലവാരം കുറഞ്ഞ പൈപ്പുകള് സ്ഥാപിച്ചതാണ് പൊട്ടുന്നതിന് കാരണമെന്ന് പറയുന്നു. ഓണാഘോഷത്തിന് പല സ്ഥലങ്ങളിലും ജനങ്ങള് കുടിവെള്ളം സ്വകാര്യ കമ്പനികളില് നിന്നും പണം കൊടുത്ത് വാങ്ങുകയായിരുന്നു.പല തവണ നാട്ടുകാര് തുറവൂര് ഗ്രാമപഞ്ചായത്ത് കെട്ടിടത്തില് പ്രവര്ത്തിക്കുന്ന ജല അതോറിട്ടി അധികൃതരെ വിവരമറിയിച്ചെങ്കിലും കാര്യക്ഷമമായ നടപടികളൊന്നും സ്വീകരിക്കാത്തതില് ജനങ്ങള്ക്ക് പൊതുവെ ശക്തിയായ പ്രതിഷേധമുയര്ന്നിട്ടുണ്ട്. ഇവിടെ എട്ടാമത്തെ തവണ തുടര്ച്ചയായി പൈപ്പ് പൊട്ടുന്നതില് ദുരൂഹതയുണ്ട്. ജനകീയാവശ്യം ഗൗരവപൂര്വ്വം പരിഗണിച്ച് തകരാറിലായിട്ടുള്ള പൈപ്പുകള് നന്നാക്കി ഉടനെ ശുദ്ധജല വിതരണം സുഗമമാക്കാന് ബന്ധപ്പെട്ട അധികൃതരും ജനപ്രതിനിധി ക ളും തയ്യാറാകണമെന്ന ആവശ്യം ശക്തമായി.
കുട്ടനാട്ടില് രാമങ്കരി അടക്കമുള്ള പ്രദേശങ്ങളില് വാട്ടര് അതോറിറ്റിയാണ് ജനത്തെ വലച്ചത്. പ്രദേശവാസികള് എംഎല്എ അടക്കമുള്ള ജനപ്രതിനിധികളെ വിവരം അറിയിച്ചെങ്കിലും യാതൊരു പ്രയോജനവും ഉണ്ടായില്ല. തിരുവോണത്തിന് കുളിക്കാന് പോലും കഴിഞ്ഞില്ലെന്ന് പലരും പരാതി പറയുന്നു. പല കുടുംബങ്ങളും കിലോമീറ്ററുകള് താണ്ടിയാണ് ഒരു കുടം ശുദ്ധജലം സംഭരിച്ചത്. ഇതാദ്യമാണ് ഇത്തരത്തില് ഓണം ആഘോഷിച്ചതെന്ന് ജനം പറയുന്നു.
