ആലപ്പുഴ: ജില്ലയിലെ വിവിധ പോസ്റ്റേഫീസുകളില് ഹൈന്ദവ പ്രസിദ്ധീകരണങ്ങള് കെട്ടികിടക്കുന്നു. ഇടതു അനുകൂലികളായ പോസ്റ്റുമാന്മാരും പോസ്റ്റുമാസ്റ്റര്മാരും ഇത്തരം പ്രസിദ്ധീകരണങ്ങള് വിതരണം ചെയ്യാതെ ഓഫീസുകളുടെ മൂലയ്ക്ക് കൂട്ടിയിടുകയാണ്. കേസരി, മയില്പ്പീലി. അമൃതാനന്ദമയീ മഠത്തിന്റെ വിവിധ പ്രസിദ്ധീകരണങ്ങള് എന്നിവ കാലങ്ങളായി പാല പോസ്റ്റോഫീസുകളില് നിന്നും വിതരണം ചെയ്യാറാല്ല.
ഉന്നത അധികാരികള് നിരവധി തവണ പരാതികള് നല്കിയെങ്കിലും അവര് കൈമലര്ത്തുകയാണ്. സംഘടിത യൂണിയന് ശക്തിക്ക് മുന്നില് തങ്ങള് ക്ക് ഒന്നും ചെയ്യാന് സാധിക്കില്ലെന്നാണ് അവര് പറയുന്നത്. അടുത്തിടെ കലവൂര് പോസ്റ്റോഫീസില് വിതരണം ചെയ്യാതെ കൂട്ടിയിട്ടിരുന്ന നൂറു കണക്കിന് പ്രസിദ്ധീകരണങ്ങള് ഹൈന്ദവ സംഘടനാ പ്രവര്ത്തകര് കണ്ടെടുത്തിരുന്നു. ഇത് ചോദ്യം ചെയ്ത പ്രവര്ത്തരോട് ജീവനക്കാര് തട്ടികയറുകയായിരുന്നു. നിങ്ങള് ആര്ക്കു പരാതി നല്കിയാലും തങ്ങള്ക്കൊന്നുമില്ലെന്നായിരുന്നു അവരുടെ പ്രതികരണം.
കത്തുകളുടെ കാലം അവസാനിച്ചതോടെ പ്രതിസന്ധിയിലായ തപാല് വകുപ്പിനെ കരകയറ്റാന് കേന്ദ്രസര്ക്കാര് വിവിധ പദ്ധതികള് ആവിഷ്ക്കരിക്കുമ്പോഴാണ് ജീവനക്കാര് തന്നെ സ്ഥാപനത്തിന്റെ ശവക്കുഴി തോണ്ടാന് ശ്രമിക്കുന്നത്. സുകന്യപദ്ധതിയടക്കമുള്ള ജനപ്രീയ പദ്ധതികളെ വരെ ഒരു വിഭാഗം ജീവനക്കാര് അട്ടിമറിക്കുകയാണ്.
