കണ്ണൂര്: കണ്ണൂര്-ഇരിട്ടി-തലശ്ശേരി-ഇരിട്ടി റൂട്ടുകളിലെ ബസ് പണിമുടക്ക് പിന്വലിച്ചു. എ ഡി എം മുഹമ്മദ് യൂസഫിന്റെ അധ്യക്ഷതയില് ചേര്ന്ന ബന്ധപ്പെട്ടവരുടെ യോഗത്തിലെ ധാരണ പ്രകാരമാണ് പണിമുടക്ക് പിന്വലിച്ചത്. മട്ടന്നൂരില് ബസ് ഡ്രൈവറെ പൊലീസ് മര്ദ്ദിച്ചതായുളള സംഭവവുമായി ബന്ധപ്പെട്ടാണ് ഈ റൂട്ടില് പണിമുടക്ക് ആരംഭിച്ചത്.
ബസ് തൊഴിലാളിയെ മര്ദ്ദിച്ച പൊലീസ് ഉദ്യോഗസ്ഥനെതിരെ ശക്തമായ നടപടി സ്വീകരിക്കണമെന്ന് യോഗം നിരദ്ദേശിച്ചു. മര്ദ്ദനമേറ്റ തൊഴിലാളി എകെജി ആശുപത്രിയില് ചികിത്സയിലാണ്. ആശുപത്രി അധികൃതരില് നിന്നും വിവരം ലഭിക്കുന്ന മുറക്ക് തുടര്നടപടികള് സ്വികരിക്കും. പൊലീസ് ഉദേ്യാഗസ്ഥന്റെ ഭാഗത്ത് വിഴ്ചയുണ്ടായിട്ടുണ്ടെങ്കില് നടപടികള് സ്വീകരിക്കാന് ജില്ലാ പൊലീസ് മേധാവിയോട് നിര്ദ്ദേശിക്കാനും ധാരണായി. മുന് കലക്ടര് നിര്ദ്ദേശിച്ച പ്രകാരം ജില്ലയിലെ ഗതാഗത രംഗത്തുളള പ്രശ്നങ്ങള്ക്ക് പരിഹാരം തേടുന്നതിനായി റവന്യൂ, പൊലീസ്, ഗതാഗതം, ബസ്സുടമകള് പ്രതിനിധികള്, തൊഴിലാളി സംഘടനാ പ്രതിനിധികള് എന്നിവരുടെ യോഗം ഒക്ടോബറില് ചേരും. ഈ യോഗത്തില് ബന്ധപ്പെട്ട എല്ലാ കാര്യങ്ങളും ചര്ച്ച ചെയ്ത് പരിഹാരം തേടും. യോഗത്തില് ആര്ടിഒ കെ.സി.മോഹനന് നമ്പ്യാര്, ഡെപ്യൂട്ടി കലക്ടര് (ട്രെയിനി) സി. ബിജു, ട്രാഫിക് എസ്ഐ കെ.സുധാകരന്, ബസ്സുടമ, തൊഴിലാളി സംഘടനാ പ്രതിനിധികളായ വി.ജെ.സൊബാസ്റ്റ്യന്, രാജ്കുമാര്, കെ.ജയരാജന്, പി.സൂര്യദാസ്, പി.ചന്ദ്രന്, കെ.ഗംഗാധരന്, എം.സി.പവിത്രന്, പി.കൃഷ്ണന്, എം.രാഘുരാം, പി.കെ.പവിത്രന്, പ്രസാദ്.എന് എന്നിവരും പങ്കെടുത്തു.
