പുരാതനകാലംമുതല് ദേവപ്രസാദത്തിനായി നൃത്തംചെയ്തുപോരുന്നു. സംഘഗ്രന്ഥങ്ങളില് ഇതേപറ്റി വിസ്തരിക്കുന്നുണ്ട്. പലരുംചേര്ന്നിട്ടാണ് നാട്യം നടത്തുന്നത്. ഇത് ശില്പങ്ങളിലും ചിത്രങ്ങളിലും വ്യക്തമായുണ്ട്. അമരാവതി ബൗദ്ധശില്പങ്ങളില് നാട്യമുണ്ട്.നാട്യദേവതയായ നടരാജന്റെ രൂപം ബാദാമി, എല്ലോറ, മുഗള് രാജ എന്നീ സ്ഥലങ്ങളില് കാണാം. ച്ത്തനവാതില് എന്നസ്ഥലത്ത് നൃത്തംവയ്ക്കുന്ന രണ്ട് സ്ത്രീകളുടെ രൂപമുണ്ട്. ആറ്, എട്ട് നൂറ്റാണ്ടുകളിലുണ്ടാക്കിയ ഇവയെല്ലാം ഭരതമുനിയുടെ നാട്യശാസ്ത്രത്തെഅടിസ്ഥാനപ്പെടുത്തിയവയാണ്.
തഞ്ചാവൂര് പെരിയ കോവിലില് നിന്നും ഇയിടെ കണ്ടെത്തിയ അത്ഭുതചിത്രങ്ങള് ഈ നാട്യശാസ്ത്രത്തിന് ലഭിച്ച പ്രചാരത്തിന്റെ വന്തെളിവുകളാണ്. 108 കരണങ്ങളില് 81 എണ്ണവും ശിവന്തന്നെ അഭിനയിച്ചുകാണിക്കുന്ന തരത്തിലാണ് അതില്രേഖപ്പെടുത്തിയിട്ടുള്ളത്. ചിലദേവസ്ത്രീകള് നൃത്തംചെയ്യുന്ന ചിത്രങ്ങളും ഇവിടെ കാണാന് കഴിയും. പാര്വതിയുടേയും മഹാദേവന്റേയും മുന്നില് ദേവസ്തീകള് നടനംചെയ്യുന്നു.
ഒന്നാം രാജ രാജ ചോളന് ചിലദിക്കില് നിന്നുമായി നാനൂറ് സ്തീകളെ തെരഞ്ഞടുത്ത് ക്ഷേത്രത്തില് ഭരതനാട്യത്തിനു നിശ്ചയിച്ചു. അവര്ക്ക് സ്ഥിരമായി താമസിക്കുന്നതിനായി ഭൂമിദാനംചെയ്തു വെന്നും രേഖകള് കാണുന്നു. നാട്യകലയെ അദ്ദേഹം എത്രമാത്രം ബഹുമാനിച്ചിരുന്നുവെന്ന് ഇതില്നിന്നും വ്യക്തമാവുന്നുണ്ട്.
നാട്യശാസ്ത്രത്തില് പറഞ്ഞ 108 കരണങ്ങളും ഒരുസ്തീ അഭിനയിക്കുന്നതും ദേവന്മാരും മഹര്ഷിമാരും, മൃഗങ്ങളും കണ്ടു സന്തോഷിക്കാന് ശിവന് നൃത്തം ചവിട്ടുന്നതും ചിദംബരത്തെ ഗോപുരത്തില് ആലേഖനം ചെയ്യപ്പെട്ടിട്ടുണ്ട്. മദനികളുടെ ബേലൂര്, ഹലേബിവീട് വാരങ്കല് എന്നീ സ്ഥലങ്ങളിലും ഇതുകാണുനാന് കഴിയും. നടരാജ ബിംബം കേരളത്തിലും ധാരാളം കാണാനുണ്ട്. ഇപ്പോള് ഭരതനാട്യം. ഓരോദിക്കിലും ഓരോവിധത്തിലാണ്. തമിഴ് നാട്ടില് ഭരതനാട്യമെന്നും നാട്വാംഗമെന്നും പറയുന്നു.ക്ഷേത്രങ്ങളില് ദേവദാസിമാരാണ് ഇതഭിനയിച്ചുവരുന്നത്. ഗുരുനാഥന്മാരെ നട്ടുവര് എന്നും വിളിച്ചു വരുന്നു.
തെലുങ്കുനാട്ടില് കുച്ചിപ്പുടി എന്നുപറയുന്നുണ്ട്. അടിസ്ഥാനമായി എല്ലാം ഒന്നുതന്നെ. ഓരോദിക്കിലും ഓരോവിധത്തിലുള്ള കലയാണ്. അടുത്തകാലം വരെ ഇത് ദേവപ്രീതിക്കായുള്ള കലയാണ്. തിളക്കമാരന്ന ഉടയാടകളും ആകര്ഷിക്കുന്ന ഭാവത്തോടെ ഭംഗിയുള്ള കൈമുദ്രകള് കാണിക്കുന്നു. ഏതുപാമരനും ഒരു ഭക്തി ഇതുകണ്ടാല് നാമ്പിടും.
