തിരുവല്ല: നെല്വയല് സംരക്ഷിക്കാന് സര്ക്കാര് ഏര്പ്പെടുത്തിയ സംവിധാനം (ഡാറ്റാ ബാങ്ക്) നടപ്പാക്കി തുടങ്ങിയപ്പോള് ആകെ ആശയകുഴപ്പത്തില്പ്പെട്ടിരുന്നു.പല പുരയിടങ്ങളും നെല്വയലായി ഡാറ്റാബാങ്കില് രേഖപ്പെടുത്തപ്പെട്ടതാണ് കുഴപ്പങ്ങള്ക്കിടയായത്.ഇതോടെ ജനങ്ങള്ക്ക് വീട് വയ്ക്കാന് നിയമത്തില് ചില ഭേദഗതികള് നല്കി മുന് സര്ക്കാര് ഉത്തരവിറക്കിയിരുന്നു .നിലമെന്ന് രേഖകളിലും മറ്റും കാണുന്ന പല കരഭൂമികളിലും തലമുറകളായി വീട് വച്ച് താമസിച്ചു വരുകയാണ് പലരും .രേഖകളിലെ പിഴവ് മുലം സ്വന്തം സ്ഥലം തങ്ങള്ക്കിഷ്ടപ്പെട്ട രീതിയില് ഉപയോഗിക്കാനാവാത്ത സ്ഥിതിയിലാണിപ്പോള് .ഈ ഭൂമികളില് വീട് വയ്ക്കുന്നതിനും മെയിന്റനന്സിനും അനുവാദം നല്കാന് പഞ്ചായത്ത് സെക്രട്ടറി,വില്ലേജ് ഓഫീസര്, എന്നിവരടങ്ങുന്ന സമിതിക്ക് സര്ക്കാര് മൂന്പ് അനുമതി നല്കിയിരുന്നു. എന്നാല് ഈ ഉത്തരവ് സുപ്രീംകോടതി അസ്ഥിരപ്പെടുത്തിയതോടെ തലമുറകളായി വീട് വച്ച് താമസിക്കുന്നവര്ക്ക് അറ്റകുറ്റപണികള് പോലും നടത്താന് കഴിയാത്ത സാഹചര്യമായി.റവന്യൂ രേഖകളിലും,നിലവിലെ ഡാറ്റാ ബാങ്കിലും ഉളള അപാകതകളാണ് ജനങ്ങളേയും ചെറുകിട കര്ഷകരേയും ഏറെ ബുദ്ധിമുട്ടിക്കുന്നത്. പല പഞ്ചായത്തുകളിലും പ്രശ്നം പരിഹരിക്കാനാവാതെ ജനങ്ങള് ഓഫീസുകള് കയറിയിറങ്ങി മടുത്തു.ഉദ്യോഗസ്ഥരാവട്ടെ വ്യക്തമായ നിലപാട് സ്വകരിക്കാതെ നാട്ടുകാര്ക്ക് മുന്പില് കൈമലര്ത്തുന്നു. ഇതേ സമയം പഞ്ചായത്തിന്റെ മുന്കൂര് അനുമതി വാങ്ങി വീട് വച്ചവര്ക്കാവട്ടെ കെട്ടിട നമ്പര് പോലും ലഭിക്കാതെ അവര് അലയുകയാണ്. വൈദ്യുതിയടക്കമുളള സര്ക്കാര് നടപടികള്ക്ക് കെട്ടിട നമ്പര് ആവശ്യമായ സ്ഥിതിക്കാണ് ഈ ദുരവസ്ഥ. തിരുവല്ല താലൂക്കിന് കീഴിലുളള വിവധ പഞ്ചായത്തുകളില് നൂറ്കണക്കിന് കര്ഷകരുടെയൂം, തുണ്ട് ഭൂമികള് ഉളളവരുടെയും അപേക്ഷകളില് തീരുമാനം വൈകുന്നത് അപേക്ഷകള് കെട്ടികിടക്കാന് ഇടയാക്കി ഇത്.നാട്ടുകാരില് അമര്ഷവും ആശങ്കയും ഉയര്ത്തുന്നു. ഇതേ സ്ഥിയാണ് കേരളത്തില് വിവിധ ജില്ലകളിലും അനുഭവപ്പെടുന്നത്. പെരിങ്ങര, നെടുമ്പ്രം,നിരണം,കടപ്ര, പഞ്ചായത്തുകളില് സമാന സ്ഥിതി രൂക്ഷമായതോടെ ജനങ്ങള് പ്രക്ഷോഭ മാര്ഗ്ഗം സ്വീകരിക്കാന് ഒരുങ്ങുകയാണ്. ജന ജീവിതം നൂറ് കണക്കിന് അപേക്ഷകളില് കെട്ടികിടക്കുമ്പോഴും ഡാറ്റാ ബാങ്കിലെയും റവന്യൂ രേഖകളിലേയും ജനവിരുദ്ധ റിപ്പോര്ട്ടുകള് തിരുത്താന് യാതൊരു നടപടികളും ബന്ധപ്പെട്ട ഒരു വിഭാഗങ്ങളും നടത്തുന്നില്ല. നഗരസഭകളിലേയും, പഞ്ചായത്തുകളിലേയും നഗര വികസന മാസ്റ്റര് പ്ലാനുകളും താമസ മേഖലകളും മറ്റും പ്രായോഗികമായി പുനര് ക്രമീകരിക്കുന്നതില് വലിയ പിഴവുകളാണ് സംഭവിക്കുന്നത്. ആധുനിക സംവിധാനങ്ങളും,സാറ്റലെറ്റ്സര്വ്വേകളും നടത്തി ഈ പിഴവുകള് പരിഹരിച്ച് നാട്ടുകാരുടെ ബുദ്ധിമുട്ട് ഒഴിവാക്കാന് സര്ക്കാരും റവന്യൂ വകുപ്പും അടിയന്തിര നടപടികളെടുക്കുന്നില്ലങ്കില് ഉദ്യോഗസ്ഥ തലത്തില് അഴിമതിക്കും, ജനങ്ങള്ക്ക് പ്രയാസങ്ങളും മാത്രമേ ഫലത്തില് ഉണ്ടാവു.
ഡാറ്റാ ബാങ്കില് ആശയകുഴപ്പം: പുരയിടം നെല്വയലാകുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.