ചെന്നൈ: ദക്ഷിണേന്ത്യയിലേയും ശ്രീലങ്കയിലെയും യുവാക്കളെ ഭീകര സംഘടനയായ അല്-ക്വയ്ദ ലക്ഷ്യമിടുന്നു. ഇതിന്റെ ഭാഗമായി അൽ-ക്വയ്ദ അവരുടെ മാധ്യമമായ ഗ്ലോബൽ ഇസ്ലാമിക്ക് മീഡിയ ഫ്രണ്ട് വീഡിയോകളും സന്ദേശങ്ങളും ലേഖനങ്ങളും മലയാളത്തിലേക്കും തമിഴിലേക്കും മൊഴി മറ്റുന്നു.
ആഗോള ഭീകരസംഘടനയായ ഐഎസിന്റെ ആശയ പ്രചാരണങ്ങൾക്ക് തടസം സൃഷ്ടിക്കാനും ഈ മൊഴിമാറ്റത്തിലൂടെ അല്-ക്വയ്ദ ശ്രമിക്കുന്നുണ്ട്. സിറിയയിലേക്കും അഫ്ഗാനിസ്ഥാനിലേക്കും പോകുന്ന ഭാരതീയരില് ഭൂരിഭാഗവും ഐഎസിൽ ചേരുന്നതിന് പകരം അൽ-ക്വയ്ദയിൽ ചേരുകയാണ്. ഇവരിൽ മിക്കവാറും പേർ ദക്ഷിണേന്ത്യയിൽ നിന്നുള്ളവരാണ്. ഇവരാണ് തർജ്ജിമ ചെയ്യാൻ സംഘടനയെ സഹായിക്കുന്നതെന്നാണ് കരുതുന്നത്.
സിറിയ ത്രൂ ഇന്ത്യൻ ഐസ് ‘ എന്ന ഫേസ്ബുക്ക് പേജിൽ സിറിയയിലെ അൽ-ക്വയ്ദ പ്രവർത്തനങ്ങളെ കുറിച്ചുള്ള അപ്ഡേറ്റുകൾ തമിഴിലും മലയാളത്തിലും വരുന്നുണ്ട്. കൂടാതെ മെസേജ് ആപ്പായ ടെലഗ്രാമിലേക്ക് ആളുകളെ ക്ഷണിക്കുന്ന പേജുകളും നിരവധിയാണ്.
തമിൽ അൻസർ, ഒളിവിൻ ചാരത്ത് എന്നീ ഓൺലൈൻ പേജുകളിലൂടെ സാമൂഹിക മാദ്ധ്യമങ്ങളിലും അൽ-ക്വയ്ദ പ്രവർത്തനങ്ങൾ വികസിപ്പിച്ചു കഴിഞ്ഞു. ജിഹാദ്ദി വിരുദ്ധ പ്രവർത്തകരും ഹാക്കർമാരും ഇവരുടെ ഓൺലൈൻ പ്രവർത്തനങ്ങൾ വർദ്ധിച്ചു വരുന്നത് നിരീക്ഷിക്കുന്നുണ്ട്.
