ലോസ്ഏഞ്ചല്സ്: ശ്രദ്ധേയമായ ദുരന്തപ്രണയ ചലച്ചിത്രകാവ്യം ലവ് സ്റ്റോറിയുടെ സംവിധായകന് ആര്തര് ഹില്ലര്(92) അന്തരിച്ചു. ലവ് സ്റ്റോറിയ്ക്ക് ഒസ്കാര് നാമനിര്ദേശം ലഭിച്ചിരുന്നു. ഈ ചിത്രത്തിനു പുറമെ നിരവധി ജനപ്രിയ ചിത്രങ്ങളും ടെലിവിഷന് പരിപാടികളും ഇദ്ദേഹം അണിയിച്ചൊരുക്കിയിട്ടുണ്ട്.
1970കളില് പുറത്തിറങ്ങിയ പ്രണയചലച്ചിത്രമായിരുന്നു ലവ് സ്റ്റോറി. അലി മക്ഗ്രയും റയാന് ഒ നീലുമായിരുന്നു ജോഡികള്. എറിക് സെഗാളിന്റെ ഇതേ പേരിലുളള പ്രശസ്ത നോവലിനെ ആസ്പദമാക്കിയാണ് ചലച്ചിത്രമൊരുക്കിയത്. ഈ ചലച്ചിത്രം കാണികളുടെ കണ്ണുകള് നനച്ചു. പ്രണയമെന്നാല് ഒരിക്കലും പശ്ചാത്തപിക്കേണ്ടി വരില്ലെന്നാണെന്നൊരു പറച്ചില് പോലും ഈ ചലച്ചിത്രമിറങ്ങിയതോടെ പ്രചരിച്ചു.
ലവ് സ്റ്റോറിയെ തുടര്ന്നുളള രണ്ട് പതിറ്റാണ്ട് കാലം ഹില്ലറിന് വിശ്രമമില്ലാത്ത കലാ ജീവിതമായിരുന്നു. ഗണ്സ്മോക്ക്, പെറിമേസണ്, ദ റൈഫിള് മാന് ഇന് ദ 1950 തുടങ്ങിയ വിവിധ ടെലിവിഷന് പരിപാടികള് പിന്നീട് അദ്ദേഹത്തിന് ചെയ്യേണ്ടി വന്നു.
ഇതിന് പുറമെ പ്രശസ്തമായ പല നാടകങ്ങളും അദ്ദേഹം സംവിധാനം ചെയ്തു. ദ അമേരിക്കനൈസേഷന് ഓഫ് എമിലി വിത് ജെയിംസ് ഗര്ണര് ആന്ഡ് ജൂലി ആന്ഡ്രൂസ്, ദ മാന് ഇന് ദ ഗ്ലാസ് ബൂത്ത് വിത് മാക്സി മിലന് ഷെല്, ദ ഹോസ്പിറ്റല് വിത് ജോര്ജ് സി സ്കോട്ട് തുടങ്ങിയവ അതില് പ്രമുഖമാണ്.
കാനഡയില് ജനിച്ച ഹില്ലര് രണ്ട് തവണ ചലച്ചിത്ര ആര്ട്സ് ആന്ഡ് സയന്സ് അക്കാഡമിയുടെ അധ്യക്ഷനായിരുന്നു. ഹില്ലറുടെ ജീവകാരുണ്യ പ്രവര്ത്തനങ്ങള് മുന് നിര്ത്തി 2002ല് അക്കാഡമി അദ്ദേഹത്തിന് ജീന് ഹെര്ഷോല്ട്ട് പുരസ്കാരം സമ്മാനിച്ചു.
