ഇരിട്ടി: വയനാട്, ഇടുക്കി ജില്ലകളിലുള്ളവര് ലഹരി വസ്തുക്കള് വില്ക്കുന്നവരെയും, ഉപയോഗി ക്കുന്നവരെയും പറ്റി വ്യക്തമായ വിവരങ്ങള് അധികൃതര്ക്ക് കൈമാറുന്നതിന് വിമുഖത കാണിക്കുന്നതായി എക്സൈസ് കമ്മീഷണര് ഋഷിരാജ് സിംഗ് പറഞ്ഞു. മികച്ച ലഹരിവിരുദ്ധ ക്ലബ്ബിനുള്ള അവാര്ഡു നേടിയ തൊണ്ടിയില് പേരാവൂര് സെന്റ് ജോസഫ് ഹയര്സെക്കന്ഡറി സ്കൂളില് നടന്ന ചടങ്ങില് അവാര്ഡു സമ്മാനിച്ചുകൊണ്ട് സംസാരിക്കുകയായിരുന്നു അദ്ദേഹം.
സ്കൂളുകളില് പരാതി പെട്ടികള് സ്ഥാപിക്കുന്നതിലൂടെ ലഹരി ഉപയോഗിക്കുകയും വില്പ്പന നടത്തുകയും ചെയ്യുന്നവരെ പറ്റിയുളള വിവരങ്ങള് വിദ്യാര്ഥികള്ക്ക്തന്നെ ഉദ്യോഗസ്ഥര്ക്ക് കൈമാറാനാവും. ഉദ്യോഗസ്ഥര് പെട്ടികള് പരിശോധിക്കുകയും വേണ്ട നടപടി സ്വീകരിക്കുകയും ചെയ്യും. ചെക്ക്പോസ്റ്റുകളില് സ്കാനര് സ്ഥപിക്കുന്നതിലൂടെ ചെക്ക്പോസ്റ്റ് വഴിയുള്ള ലഹരി കള്ളക്കടത്ത് കണ്ടെത്താന് കഴിയുമെന്നും ഋഷിരാജ് സിംഗ് പറഞ്ഞു. ഫാ.തോമസ് കൊച്ചുകരോട്ട് അദ്ധ്യക്ഷത വഹിച്ചു. പിടിഎ പ്രസിഡന്റ് ജോസ് മാത്യു, പ്രിന്സിപ്പാള് പി.ജെ. ജോണ്സണ്, ജെ.എസ്.ജോസ്, സിസ്റ്റര് ജിന്സി, എന്നിവര് പ്രസംഗിച്ചു.
