ന്യൂദല്ഹി: പാക്-ചൈന സാമ്പത്തിക ഇടനാഴിക്കെതിരെ സമരം ചെയ്യുന്നവരെ ഭീകരവിരുദ്ധ നിയമപ്രകാരം കൈകാര്യം ചെയ്യുമെന്ന് പാക് നയ-പരിഷ്ക്കരണ മന്ത്രി അസന് ഇക്ബാലിന്റെ ഭീഷണി. ബലൂചിസ്ഥാനിലും ജില്ജിത്-ബാള്ട്ടിസ്ഥാനിലും പാക്-ചൈന ഇടനാഴിക്കെതിരെ ഉയര്ന്ന പ്രതിഷേധങ്ങളെ ഉരുക്കുമുഷ്ടി ഉപയോഗിച്ച് എതിരിടാനാണ് പാക്കിസ്ഥാന്റെ തീരുമാനം.
ഇടനാഴിയുടെ ഭാഗമായുള്ള സാമ്പത്തിക നേട്ടങ്ങള് പാക്കിസ്ഥാന് മാത്രമാണെന്നും തങ്ങള്ക്ക് യാതൊരു പ്രയോജനവുമില്ലെന്നും ജില്ജിത്-ബാള്ട്ടിസ്ഥാന് സംഘടനകള് ആരോപിച്ചിരുന്നു. ചൈനയുടെ സൈനിക താവളങ്ങള് മാത്രമാണ് വരുന്നത്. ഇതംഗീകരിക്കില്ലെന്ന് പ്രഖ്യാപിച്ചുകൊണ്ടുള്ള സംഘടനകളുടെ പ്രതിഷേധം പാക് സൈന്യം അതിക്രൂരമായാണ് അടിച്ചമര്ത്തിയത്.
അവാമി ആക്ഷന് കമ്മറ്റി അടക്കമുള്ള സംഘടനകള് മേഖലയില് സമരരംഗത്താണ്. പാക് സൈന്യം ജില്ജിത്തില് നിന്നും പിന്മാറണമെന്നും അവരാവശ്യപ്പെടുന്നു.
